...العاششقى ميلليون كىرپىش جونەلتىلدى
كەراميكالىق كىرپىش شىعاراتىن جاڭا زاۋىت ءوزىنىڭ العاشقى 1 ميلليون دانا ءونىمىن تۇتىنۋشىلارعا جونەلتتى. كاسىپورىن جوعارى سۇرانىستاعى قۇرىلىس ماتەريالدارىنىڭ وتىزدان استام ءتۇرىن دايىنداۋعا مامانداندىرىلعان.
ۇدەمەلى يندۋستريالىق-يننوۆاتسيالىق ۇدەمەلى دامۋ باعدارلاماسى شەڭبەرىندەگى جوبانىڭ جالپى قۇنى 6 ميلليارد تەڭگەنى قۇرايدى. زاۋىت ديرەكتورى دنيل گالامبەتستىڭ ايتۋىنشا, قازىر كۇنىنە 40 مىڭ دانا كىرپىش شىعارىلۋدا ەكەن. مۇنىڭ ءوزى كاسىپورىننىڭ الداعى ەكى ايدا جوبالىق قۋاتىنا ەنەتىنىن دالەلدەيدى. ايتكەنمەن, ۇجىم سانمەن بىرگە, ساپا كورسەتكىشتەرىن قاتاڭ باقىلاۋدا ۇستايتىن بولادى. مۇنداعى كىرپىشتىڭ قۇنى رەسەيدەن تاسىمالداناتىن ونىمنەن 10 تەڭگەگە ارزان.
باقبەرگەن امالبەك.
كوكشەتاۋ.
* * *
...باعدارلامانىڭ ورىندالۋى تالقىلاندى
«دامۋ» قورىنىڭ وبلىستىق فيليالى ورتا جانە شاعىن بيزنەستى قولداۋ ماقساتىمەن جۇزەگە اسىرىلىپ جاتقان جوبالاردىڭ يگەرىلۋىن تاعى ءبىر وي ەلەگىنەن وتكىزدى.
باعدارلاماعا وبلىستان بەس جوبا ەنگىزىلىپ, اۋىل شارۋاشىلىعى, ونەركاسىپ, ءونىم وڭدەۋ سالالارىن وركەندەتۋگە باسىمدىق بەرىلىپ وتىر. بۇل ماقساتتار ءۇشىن جارتى ميلليارد تەڭگەدەن استام قارجى ءبولىنىپ, قارجىلاندىرۋ ماسەلەسىمەن «تسەنتركرەديتبانكتىڭ» جانە «ەۋرازيابانكتىڭ» جەرگىلىكتى ءبولىمشەلەرى اينالىسادى. استىق, ۇن, ەت, ءسۇت ونىمدەرىن ءوڭدەۋمەن شۇعىلداناتىن «سولتۇستىك ەسىل استىق», «مولسەرۆيس», «تورتۋمانوۆ» سەكىلدى سەرىكتەستىكتەر قولداۋعا يە بولسا, ولاردىڭ قازىرگى قادامدارى قۋانتارلىق.
ءومىر ەسقالي.
سولتۇستىك قازاقستان وبلىسى.
* * *
...«اۋعاندىقتار» رۋحى ارداقتالدى
كەڭەس اسكەرلەرىنىڭ اۋعان ەلىنەن شىعارىلۋىنا 22 جىل تولۋىنا وراي كەشە جامبىل وبلىسىنىڭ ورتالىعىنداعى ينتەرناتسيوناليست-جاۋىنگەرلەردىڭ ەسكەرتكىشى قاسىندا سالتاناتتى قۇرمەت كورسەتۋ ءراسىمى بولىپ ءوتتى.
وعان وبلىس اكىمىنىڭ ءبىرىنشى ورىنباسارى ك.كوكىرەكباەۆ, «وڭتۇستىك» وڭىرلىك ءاسكەري قولباسشىسىنىڭ تاربيە ءىسى جونىندەگى ورىنباسارى ەرجان سادىقوۆ, قالالىق اۋعان سوعىسى ارداگەرلەرى كەڭەسىنىڭ توراعاسى سابىرجان ءابدىكەرىموۆ باستاعان قالا جۇرتشىلىعى, مەكەمە باسشىلارى, ستۋدەنتتەر جانە مەكتەپ وقۋشىلارى كەلىپ, قازا تاپقان جاۋىنگەرلەردى ازالى ءۇنسىزدىكپەن ەسكە الدى. گۇل شوقتارىن قويدى.
تاراز قالاسى اكىمدىگىندە وق پەن وتتىڭ ورتاسىنان امان-ەسەن ورالعان ينتەرناتسيوناليست-جاۋىنگەرلەر مەن قازا تاپقانداردىڭ اتا-انالارىنا جانە جەسىرلەرىنە باعالى سىيلىقتار تاپسىرىلدى.
كوسەمالى ساتتىباي ۇلى.
تاراز.