كەشە استانادا قازاقستان جاعىنان – سىرتقى ىستەر مينيسترلىگىنىڭ جاۋاپتى حاتشىسى ءراپىل جوشىباەۆتىڭ, ەستونيا جاعىنان – ەكونوميكا جانە كوممۋنيكاتسيا ءمينيسترى يۋحان پارتستىڭ توراعالىعىمەن ەكونوميكالىق جانە عىلىمي-تەحنيكالىق ىنتىماقتاستىق جونىندەگى قازاق-ەستون ۇكىمەتارالىق كوميسسياسىنىڭ ەكىنشى وتىرىسى ءوتتى, دەپ حابارلادى قر ءسىم-ءىنىڭ ءباسپاسوز قىزمەتى.
كوميسسيا وتىرىسىنىڭ بارىسىندا كولىك پەن ترانزيت, اقپاراتتىق تەحنولوگيالار, ەنەرگەتيكا, اۋىل شارۋاشىلىعى, ءبىلىم مەن عىلىم, مەملەكەتتىك قىزمەت, دەنساۋلىق ساقتاۋ, مادەنيەت پەن سپورت سالالارىنداعى ەكىجاقتى ىنتىماقتاستىق ماسەلەلەرى تالقىلاندى.
وتىرىستىڭ قورىتىندىلارى بويىنشا ەكىجاقتى ساۋدا-ەكونوميكالىق ىنتىماقتاستىقتىڭ ودان ءارى دامۋىنىڭ اناعۇرلىم كەلەشەگى مول باعىتتارىن ايقىندايتىن حاتتاماعا قول قويىلدى.
14 اقپاندا كوميسسيا جۇمىسىنىڭ شەڭبەرىندە 2010 جىلى 10 ناۋرىزدا تاللين قالاسىندا ءوتكەن قازاقستان-ەستونيا ۇكىمەتارالىق كوميسسياسى 1-ءشى وتىرىسىنىڭ ناتيجەلەرى بويىنشا قالىپتاستىرىلعان كولىك پەن لوگيستيكا, ەنەرگەتيكا, سونداي-اق اقپاراتتىق تەحنولوگيالار جونىندەگى ءۇش جۇمىس توبىنىڭ كەزدەسۋلەرى وتكەن بولاتىن.
ءوز كەزەگىندە, ەستون تارابى سول كۇنى قر كولىك جانە كوممۋنيكاتسيالار ءمينيسترى ا.قۇسايىنوۆ پەن ەر ەكونوميكا جانە كوممۋنيكاتسيا ءمينيسترى يۋحان پارتستىڭ باسشىلىعىمەن وتكەن «بۇگىنگى جانە ەرتەڭگى ىسكەرلىك مۇمكىندىكتەر» اتتى كونفەرەنتسيانىڭ بارىسىندا ءوز ەلدەرىنىڭ كولىكتىك جانە لوگيستيكالىق مۇمكىندىكتەرىنىڭ تۇساۋكەسەرىن وتكىزگەن ەدى.
ترانزيتتىك-كولىكتىك ىنتىماقتاستىق, قازاقستان-ەستونيا ءوزارا ارەكەتتەستىگىنىڭ اۋقىمدى جۇمىس اتقارىلعان ماڭىزدى باعىتى بولىپ تابىلادى.
ەنەرگەتيكا جونىندەگى جۇمىس توبىنىڭ قۇرىلۋىنا قازاقستان كەن ورىندارىندا بيتۋمينوزدىق تاقتا تاستى ءوندىرۋ مەن قايتا وڭدەۋ سالاسىندا ەستون تەحنولوگيالارىن ءتيىمدى پايدالانۋ ماقساتىندا قازاقستان جاعى باستاماشىلىق ەتكەن بولاتىن. وسىعان وراي, ەستون تارابى تاقتا تاس مايى مەن ەنەرگيا كوزدەرىن ءوندىرۋ ءۇشىن قازاقستاننىڭ پايدالى قازبالارىنىڭ كەن ورىندارىندا تاقتا تاستى ءوندىرۋ مەن قايتا ءوڭدەۋ سالاسىنداعى Enefit 280 جاڭا ساتىلى ەستون تەحنولوگيالارىن ەنگىزۋ ماسەلەلەرىن تالقىلاۋدى جالعاستىرۋدى ۇسىنعان ەدى.