مەملەكەت باسشىسى نۇرسۇلتان نازارباەۆ قازاقستاننىڭ حالىق جازۋشىسى, مەملەكەتتىك سىيلىقتىڭ لاۋرەاتى ءازىلحان نۇرشايىقوۆتىڭ ومىردەن وتۋىنە بايلانىستى مارقۇمنىڭ وتباسى مەن تۋعان-تۋىستارىنا كوڭىل ايتۋ جەدەلحاتىن جولدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
«ازاعا ناعىز حالىق جازۋشىسى ەدى. ونىڭ ءاربىر شىعارماسىن جۇرتشىلىق قىزىعا وقيتىن. ءومىرىنىڭ سوڭعى كۇندەرىنە دەيىن قولىنان قالامىن تاستاماعان قالامگەر ءونىمدى ەڭبەك ەتىپ قانا قويماي, حالقىمىزدى ىنتىماق پەن بىرلىككە شاقىرىپ, تاۋەلسىز ەلىمىزدىڭ تىلەۋىن تىلەپ ءوتتى. ونىڭ شىعارمالارى ىزگىلىككە قانداي تولى بولسا, ءوزىنىڭ جانى دا سونداي نۇرلى دا ءمولدىر ەدى. مەن ونىڭ وزىمە بەرگەن باتاسىن, جازعان حاتتارىن, ارامىزدا بولعان اڭگىمەلەردى ۇمىتپايمىن. ازاعانىڭ ونەگەلى ءومىرىن, جارقىن بەينەسىن, عيبراتى مول شىعارمالارىن حالقىمىزدىڭ دا ۇمىتپاسىنا سەنەمىن», دەلىنگەن جەدەلحاتتا.