[caption id="attachment_54268" align="aligncenter" width="560"] وڭتۇستىك قازاقستان وبلىسىنىڭ اكىمدىگى[/caption]
وڭتۇستىك قازاقستان وبلىسىنىڭ قۇتقارۋشىلارى تاۋعا ورمەلەپ بارا جاتىپ, جاعدايى ناشارلاعان ءالپينيستى قۇتقارىپ قالدى. ادەتتە ءبارى ويداعىداي بولعان. ءتورت الپينيست 3 500 مەتر بيىكتىككە جەتكەندە ارالارىنداعى 28 جاستاعى گيەس حاسانوۆ ءوزىن جايسىز سەزىنەدى. كەيىن بەلگىلى بولعانداي وكپەسىندەگى سۇيىقتىق مولشەردەن تىس ارتىپ كەتكەن.
الپينيستتەردىڭ دابىلىنان كەيىن «قازاۋەقۇتقارۋدىڭ» تىكۇشاعى كەلىپ جەتەدى. ەكيپاج مۇشەلەرىنەن بولەك مارس سىزدىقوۆ, ۆيكتوريا ۆوروبەۆا سياقتى تاجىريبەلى تاۋعا ورمەلەۋشىلەرى بار كوماندا حاسانوۆتى بيىكتىكتەن ءساتتى ءتۇسىرىپ الادى.
ناۋقاس وبلىستىق كلينيكالىق اۋرۋحاناعا جەتكىزىلگەن. قازىر جاعدايى قالىپتى.
باقتيار تايجان
وڭتۇستىك قازاقستان وبلىسى