بيىل كوكوراي بەلدەگى كوك ءشوپ كوز تارتادى. سوعان وراي مەحانيزاتورلار «جاسىل وراقتى» ەرتەرەك باستادى. ايتكەنمەن, جاۋىن-جاۋىننىڭ اراسىندا جۇمىس ىستەۋگە تۋرا كەلىر تۇر. سوعان قاراماستان, تۇپكى ناتيجە تولىمدى دەۋگە بولادى.
وبلىستىق اۋىل شارۋاشىلىعى باسقارماسىنىڭ شىلدەدەگى جەدەل اقپاراتىنا قاراعاندا, جوسپارلانعان جەمشوپ قورىنىڭ تەڭ جارتىسىنان استامى مايالانىپ الىنعان. بۇل قاجەتتى 1060,3 مىڭ توننا مال ازىعىنىڭ 550 مىڭ تونناسى قورلاندى دەگەن ءسوز. ماڭىزدى شارۋا ەرەيمەنتاۋ, زەرەندى, اتباسار, بۇلاندى, ساندىقتاۋ اۋداندارىندا بەلسەندى سيپات الۋدا. اتالعان اۋدانداردىڭ كورسەتكىشى 70 پايىزدىڭ ماڭايىندا.
جۇمىس جەكە سەكتوردا دا جاندانىپ كەلەدى. ەسىل, جارقايىڭ, بۋراباي, اقكول اۋداندارىنىڭ كوشەلەرىندە بالاۋسا ءشوپ تيەگەن اربالار جيىرەك كوزگە تۇسۋدە.
باقبەرگەن امالبەك,
«ەگەمەن قازاقستان»
اقمولا وبلىسى