تالدىقورعان قالاسىندا مەملەكەت-جەكەمەنشىك ءارىپتەستىگى اياسىندا 125 ورىندىق جاڭا بالاباقشا اشىلدى. «ەلوردامىزدىڭ كامەلەت جاسقا تولۋىنا ورايلاستىرىلىپ اشىلعان بۇل بالاباقشا زامان تالابىنا ساي جابدىقتالىپ وتىر. نەگىزى الماتى وبلىسىنىڭ ورتالىعىندا مەملەكەتتىك ساياساتقا ساي جاڭادان اشىلۋى جوسپارلانعان 12 بالاباقشانىڭ ءۇشىنشىسى. مۇندا بارلىق جاعدايلار جاسالعان. ىڭعايلى دا تازا بولمەلەردىڭ بارلىعىنا بەينەكامەرالار ورناتىلعان», دەدى تالدىقورعان قالاسىنىڭ اكىمى باعدات قاراساەۆ.
بۇگىنگى كۇنگە دەيىن تالدىقورعان قالاسىندا مەكتەپكە دەيىنگى 50 مەكەمە جۇمىس ىستەۋدە. سول مەكەمەلەردىڭ 16-سى عانا مەملەكەتتىك بولىپ سانالادى. بۇل بيزنەسمەندەردىڭ مەملەكەت-جەكەمەنشىك ارىپتەستىگىنە ەرەكشە كوڭىل ءبولىپ, قىزىعۋشىلىق تانىتىپ وتىرعانىن بىلدىرەدى. تاعى ءبىر ايتا كەتەر جايت, وسى جاڭا بالاباقشانى اشۋمەن بىرگە تالدىقورعاندىقتار ءۇشىن 37 جۇمىس ورنى دا پايدا بولىپ وتىر. بيزنەسمەندەر تاراپىنان ەرەكشە قارقىنمەن قولعا الىنعان بۇل شارا حالىقتىڭ دا كوڭىلىنەن شىعۋدا.
نۇربول الدىباەۆ,
«ەگەمەن قازاقستان»
تالدىقورعان