[caption id="attachment_51478" align="aligncenter" width="560"] فوتو: tengrinews.kz[/caption]
فرانتسيانىڭ نيتستسا قالاسىندا ورىن العان لاڭكەستىك شابۋىلدان قازا تاپقاندارعا ارناپ ءۇش كۇن جالپىۇلتتىق ازا تۇتۋدى جاريالادى. inform.kz-ءتىڭ اقپارى بويىنشا, بۇل تۋرالى ەلدىڭ پرەمەر-ءمينيسترى مانۋەل ۆالس ەليسەي سارايىنداعى قاۋىپسىزدىك كەڭەسىنىڭ وتىرىسىندا مالىمدەدى.
«مەملەكەت باسشىسى 16,17,18 شىلدە كۇندەرى نيتستسادا شابۋىل قۇرباندارىن ازا تۇتۋ تۋرالى شەشىم قابىلدادى», – دەدى مانۋەل ۆالس.
ايتا كەتەيىك, 14 شىلدەدە كەشكى ۋاقىتتا جۇك كولىگى باستيليانى باسىپ الۋ كۇنىنە بايلانىستى وتشاشۋدى كورۋگە جاعالاۋعا جينالعان ادامداردى قاعىپ كەتكەن ەدى. كۋاگەرلەردىڭ ايتۋىنشا, جۇك كولىگى توقتاماستان, ادامداردى ەكى شاقىرىم بويىندا قاعىپ جۇرگەن. جۇرگىزۋشىسى ءولتىرىلدى. نيتستساداعى شابۋىلدان كەيىن ارنايى وپەراتسيا جۇرگىزىلدى.
ايان ءابدۋالي