ەلباسى نۇرسۇلتان نازارباەۆ تەرەزا مەيگە ونىڭ ۇلىبريتانيا جانە سولتۇستىك يرلانديا بىرىككەن كورولدىگىنىڭ پرەمەر-مينيسترى لاۋازىمىنا تاعايىندالۋىنا بايلانىستى قۇتتىقتاۋ جەدەلحاتىن جولدادى, دەپ حابارلادى پرەزيدەنتتىڭ ءباسپاسوز قىزمەتى.
نۇرسۇلتان نازارباەۆ تەرەزا مەيدى قازاقستان حالقىنىڭ جانە جەكە ءوزىنىڭ اتىنان قۇتتىقتادى جانە ەكى ەلدىڭ اراسىندا بەرىك قارىم-قاتىناس ورناعانىن اتاپ ءوتتى.
« ۇلىبريتانيا بۇۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە سايلاۋدا قازاقستاننىڭ كانديداتۋراسىن قولداعانىن ەلىمىز جوعارى باعالايدى. ءبىز ەكىجاقتى سەرىكتەستىكتى ەكى مەملەكەت حالىقتارىنىڭ يگىلىگى جولىندا دامىتا بەرۋگە ءازىرمىز», – دەلىنگەن جەدەلحاتتا.
ەلباسى قۇتتىقتاۋ سوڭىندا ت.مەيدىڭ جاڭا قىزمەتىندە تابىستى بولۋىنا, ال بىرىككەن كورولدىك حالقىنىڭ وركەندەي بەرۋىنە تىلەكتەستىگىن ءبىلدىردى.