قازاقستاندا جەكەشەلەندىرۋ اياسىندا رەسپۋبليكالىق مەنشىكتەن 19 نىسان ساتىلدى. 2014-2020 جىلدارعا ارنالعان ساتۋ كەستەسىنە سايكەس, 1005 نىساندى ساتۋ جوسپارلانعان. قازىرگى ۋاقىتتا ءىس جۇزىندە ساۋداعا 479 نىسان شىعارىلدى, ونىڭ 284-ءى ساتىلدى.
ەلىمىزدىڭ كاسىپورىندارى جىلىنا 40 مىڭ تونناعا دەيىن تيتان وكسيدىن كەدەندىك باج سالىعىنسىز يمپورتتاي الادى. ەۋرازيالىق ەكونوميكالىق كوميسسيا تاراپىنان بەلگىلەنگەن جۇمىستىڭ جاڭا ءتارتىبى حالىقارالىق كولىك تاسىمالدارىن دامىتۋعا جانە نىعايتۋعا جاردەمدەسۋگە باعىتتالعان.
جىل باسىنان بەرى 500 ملن. تەڭگەگە قازاقستاندىق كاسىپكەرلەردىڭ قۇقىقتارى قورعالدى. «اتامەكەن» ۇكپ كاسىپكەرلەر قۇقىعىن قورعاۋ جانە اكىمشىلىك كەدەرگىلەردى ازايتۋ ءبولىمىنىڭ ساراپشىسى دۋمان كەرىمباەۆتىڭ ايتۋىنشا, وسى ارالىقتا كاسىپكەرلىك سۋبەكتىلەردەن 338 ارىز ءتۇسىپ, ونىڭ 169-ى وڭتايلى شەشىلگەن.
استانانىڭ جەدەل ءجاردەم دارىگەرلەرى يزرايلدىك ارىپتەستەرىنىڭ تاجىريبەسىمەن تانىسىپ جاتىر. قالادا جەدەل مەديتسينالىق جاردەم جۇمىسىن جەتىلدىرۋ ءۇشىن ماگەن داۆيد ادوم يزرايل ۇلتتىق شۇعىل كومەك كورسەتۋ قىزمەتى جەتەكشى ماماندارىنىڭ قاتىسۋىمەن ترەنينگتەر وتۋدە.
وڭتۇستىك قازاقستان وبلىسىندا يندۋستريالاندىرۋ كارتاسى اياسىندا جىلىنا 360 مىڭ شارشى مەتر پوليەتيلەن قۇبىرىن شىعاراتىن زاۋىت ىسكە قوسىلدى. اتالعان يندۋستريالى ايماقتا بۇگىندە ۋران وندىرۋشى كاسىپورىندارعا ارنالعان قۇرال-جابدىقتار شىعاراتىن زاۋىت پەن يودتالعان اس تۇزى كاسىپورنى مەن مەتالل قۇراستىرۋ سىندى 3 جوبا جۇمىس ىستەپ تۇر.
اقتوبەلىك تاۋار ءوندىرۋشىلەر ازىق-ت ۇلىكتى تىكەلەي الماتىعا جەتكىزەتىن بولادى. اتالمىش جۇمىس 86 تاۋار توپتارىندا يمپورتتى قىسقارتۋ ءۇشىن جاسالۋدا. مەگاپوليسكە جارتىلاي تۇتىنىلاتىن سىرلار, قۇس ەتى, شۇجىق ونىمدەرى مەن ماي اكەلىنەدى.
جامبىل وبلىسىنىڭ كاسىپكەرلەرىن جەڭىلدىكپەن نەسيەلەندىرۋ ءۇشىن 500 ملن. تەڭگە ءبولىندى. قۇجات بويىنشا وبلىس اكىمشىلىگى مەن «دامۋ» قورى اۋىل شارۋاشىلىعى, وڭدەۋ ونەركاسىبى, تۋريزم, ونەر جانە كوڭىل كوتەرۋ سالاسىندا قىزمەت كورسەتەتىن شاعىن جانە ورتا كاسىپكەرلەرگە قولداۋ كورسەتەدى.
باتىس قازاقستان وبلىسىندا سوڭعى التى ايدا ءمۇلىكتى زاڭداستىرۋعا 427 ءوتىنىش تۇسكەن. وسى ارالىقتا 2 ملرد. تەڭگەنىڭ 292 نىسانى زاڭداستىرىلدى. نەگىزىنەن بۇل – تۇرعىن ءۇي, شارۋاشىلىق الاڭدارى جانە كاسىپكەرلىك نىساندار.
حابارلار ۇكىمەت, وبلىستىق اكىمدىكتەر سايتتارى, «قازاقپارات» اگەنتتىگى, «حابار» تەلەارناسى ماتەريالدارى بويىنشا دايىندالدى