جۇلدەگەرلەرگە ارنالعان مەدالدار

ريو-دە-جانەيرو قالاسىندا وتە­تىن وليمپيا جانە پاراليم­پيا ويىندارىنىڭ جەڭىمپازدارى مەن جۇلدەگەرلەرىنە ارنالعان مەدالداردىڭ ديزاينى تانىستىرىلدى. ءباسپاسوز كونفەرەنتسياسى ايا­سىن­­دا وتكەن راسىمگە حالىق­ارا­لىق وليمپيادا كوميتەتىنىڭ توراعاسى توماس باح قاتىستى. م­الىمەتتەر بويىنشا, جازعى ويىن­دارعا بارلىعى 2488 مەدال دايىن­دالعان ەكەن. التىن مەن كۇمىستىڭ سانى – 812 بولسا, قولا مەدال سانى – 864. سالماعى 500 گرامدى قۇرايتىن مەدال سىناپتى پايدالانباي, ءوندىرىس تالاپتارىنا ساي التىننان جاسالسا, كۇمىس پەن قولانىڭ 30 پايى­زى قايتا وڭدەلگەن ماتەريالداردان بولعان. ال مەدالدار ىلىنەتىن لەنتالار ماتەريالىنىڭ جارتىسى قايتا وڭدەلگەن پلاستيكالىق بوتەلكەلەردەن دايىندالادى. باعالى زاتتاردى ساقتاۋعا ارنالعان قاپتامالار وڭتۇستىك امەريكادا وسەتىن كورديا گوەلدا اعاشىنان جاسالىپ وتىر. ديزاينەرلەردىڭ يدەيالارى بو­يىن­شا, ريو ويىندارى مەدالىنىڭ ورتاڭعى جاعى جۋانىراق بولادى. ال جۇلدەگەردىڭ ەسىمى مەن سپورت ءتۇرى لازەرمەن سىرتقى شەتىنىڭ بو­يى­نا جازىلادى. پاراليمپيا ويىندارىنىڭ مەدالدارىنا دا وزگەرىستەر ەنگى­زىلەدى. ءاربىر ماراپاتتىڭ ىشىندە شۋلى كامەرا بولادى. ول ناشار كورەتىن سپورتشىلارعا ماراپاتتىڭ داۋىسىن ەستۋگە مۇمكىندىك بەرەدى. التىن مەدال – داۋىسى ەڭ قات­تىسى بولسا, قولا مەدال – داۋىسى ەڭ تومەنى. ايان ءابدۋالي, «ەگەمەن قازاقستان»