رەسەي پرەزيدەنتى ۆلاديمير پۋتين پەتەربۋرگتە ءوتىپ جاتقان حالىقارالىق ەكونوميكالىق فورۋم بارىسىندا سويلەگەن سوزىندە جاڭا ەۋرازيا ەكونوميكالىق وداعىن قۇرۋ جونىندە ۇسىنىس ءبىلدىردى.
رەسەي باسشىسىنىڭ ايتۋىنشا, قازىرگى ەۋرازيا ەكونوميكالىق وداعىنىڭ رەسەي باستاعان مۇشەلەرى قىتاي, ءۇندىستان, پاكىستان, يران سەكىلدى تاعى بىرقاتار ەلدەردىڭ قاتىسۋلارىمەن جاڭا ۇلكەن ەۋرازيا ارىپتەستىگىنىڭ قۇرىلۋىن قالايدى.
ەۋرازيا ەكونوميكالىق وداعىنىڭ مۇشەلەرى, سونداي-اق بۇگىندە رەسەي تىعىز قارىم-قاتىناس ورناتىپ وتىرعان قىتاي, ءۇندىستان, پاكىستان, يران ەلدەرى ۇلكەن ەۋرازيا ارىپتەستىگىن وسى جازدىڭ وزىندە قۇرىپ الۋى دا ابدەن مۇمكىن.
ۆلاديمير پۋتين سونداي-اق جاڭا وداققا تمد بويىنشا ارىپتەستەردىڭ, سوعان قوسا باسقا دا ىنتا-ىقىلاس بىلدىرگەن مەملەكەتتەر مەن بىرلەستىكتەردىڭ قاتىسىپ قالۋلارى مۇمكىن ەكەنىن ءسوز ەتتى.
رەسەي پرەزيدەنتى ەاەو-مەن ينۆەستيتسيا جانە ساۋدا سەكىلدى ءار الۋان سالالاردا ارىپتەس بولۋعا ەۋرووداقتىڭ دا مۇددەلى بولىپ وتىرعانىن ايتتى.
مۇرات ايتقوجا.
مانبە, فوتو: politonline.ru.