ء*ومىر جانە ولەڭ
تاۋەلدىمىن كۇنگە مەن,
تاۋەلدىمىن ايعا دا.
تابيعاتپەن ءبىر دەنەم,
قاي كەزدە دە, قايدا دا.
تاۋەلدىمىن دوسىما,
وي – ارمانى ۇندەسكەن.
تاۋەلدىمىن قاسىما,
عۇمىر جاسىن ءبىر كەشكەن.
تاۋەلدىمىن قوعامعا
مۇشەسىمىن سونىڭ ءبىر.
ماعان, ساعان, وعان دا,
مەكتەپ بولعان ءومىر بۇل.
جاقسىلىققا ەن سالام,
جاماندىق تا تۇر ارباپ...
تاۋەلدىمىن مەن ساعان,
جەلەپ-جەبەپ ءجۇر, ارۋاق!
و, جاراتقان, قولىڭدا,
ەكى تىزگىن, ءبىر شىلبىر.
جانىم پيدا جولىڭدا,
ۇرپاعىمدى مۇڭسىز قىل.
ايتىپ كەلەم ءان قىلىپ,
جىرىما دا قوسامىن.
تاۋەلسىز بولىپ ماڭگىلىك,
قالسىنشى تەك وتانىم!
ايتقالي نارىكوۆ,
اقىن
ورال