ورلاندوداعى ويران سالدارى اۋىر
اقش-تىڭ فلوريدا شتاتىنداعى ورلاندو قالاسىندا ورنالاسقان تۇنگى كلۋبقا شابۋىل جاسالدى. قارۋلى لاڭكەستىڭ شابۋىلى سالدارىنان 50 ادام قازا تاپسا, 50-ءى جارالانىپ, اۋرۋحاناعا جەتكىزىلگەن. بۇل اقش-تىڭ جاڭا تاريحىنداعى ادامدار جاپپاي اتىپ ولتىرىلگەن ەڭ سوراقى وقيعا بولىپ تابىلادى.
اقش پرەزيدەنتى باراك وباما ورىن العان وقيعانى تەراكت دەپ اتادى. ال قۇقىق قورعاۋ ورگاندارى بولعان جايتتىڭ ەگجەي-تەگجەيىن تەكسەرىپ جاتىر. لاڭكەستىككە جاۋاپكەرشىلىكتى «يسلام مەملەكەتى» (قازاقستاندا تىيىم سالىنعان) ءوزىنىڭ موينىنا الىپ ۇلگەردى. بۇل تۋرالى ەكسترەميستەردىڭ اقپاراتتىق رەسۋرستارىنا سىلتەمە جاساي وتىرىپ, «رەيتەر» اگەنتتىگى حابارلادى.
بۇۇ-نى ايەل باسقارا الا ما؟
بۇل سۇراققا «ءيا» دەپ جاۋاپ بەرۋگە ابدەن بولادى. ماسەلەن, ماسكەۋ الەمدەگى باس ۇيىمدى ايەل باسقاراتىن بولسا, بۇل ادىلەتتى شەشىم بولار ەدى دەپ سانايدى. بۇل تۋرالى رەسەي سىرتقى ىستەر ءمينيسترىنىڭ ورىنباسارى گەنادي گاتيلوۆ مالىمدەپ وتىر.
«سوڭعى جىلدارى بىرقاتار مەملەكەتتەر تاراپىنان باس حاتشى ورىنتاعىنا ايەل وتىرسا ورىندى بولار ەدى دەگەن سوزدەر ءجيى ەستىلە باستادى. ءبىز مۇنى وتە ادىلەتتى شەشىم دەپ ەسەپتەيمىز, – دەيدى ديپلومات. – ارينە, باس حاتشىنى سايلاۋدا ءبىرىنشى ورىنعا بولاشاق ۇمىتكەردىڭ كاسىبي شەبەرلىگى شىعۋى ءتيىس». ال قازىرگى بۇۇ باس حاتشىسى وڭتۇستىككورەيالىق ديپلومات پان گي مۋننىڭ وكىلەتتىلىك مەرزىمى ۇستىمىزدەگى جىلدىڭ 31 جەلتوقسانىندا اياقتالادى.
شۆەتسيا ۇشقىشتارىنىڭ ەرەۋىلى
سكانديناۆيانىڭ SAS اۋە كومپانياسىنىڭ شۆەتسيالىق ۇشقىشتارى وتكەن جۇما كۇنى كەشكە باستالعان ەرەۋىلدەرىن ءارى قاراي جالعاستىردى. ەرەۋىلگە كاسىپوداقتاردىڭ ەڭبەك جاعدايىنا كوڭىلدەرى تولمايتىندىعى سەبەپ بولعان ەدى.
ءسويتىپ, كەشە 230 رەيس كەيىنگە شەگەرىلدى. وسىلايشا 27 مىڭ جولاۋشى زارداپ شەكتى. بۇل ارادا اڭگىمە تەك اتالعان اۋە كومپانياسىندا جۇمىس ىستەيتىن شۆەتسيالىق ۇشقىشتار تۋرالى عانا بولىپ وتىر. ۇشقىشتاردىڭ شۆەتسيالىق كاسىپوداعىنىڭ دەرەكتەرىنە سۇيەنسەك, ەرەۋىلگە 400 ادام قاتىسىپ جاتىر ەكەن. ولاردىڭ تالاپتارىنىڭ قاتارىندا ەڭبەكاقىلارىن 3,5 پايىزعا كوتەرۋ دە بار.
قىسقا قايىرعاندا:
ءۇندىستاندا وسى ەل اسكەري-اۋە كۇشتەرىنىڭ ميگ-27 ۇشاعى اپاتقا ۇشىرادى. وقيعا ءۇندىستاننىڭ سولتۇستىك-باتىسىندا ورىن العان. ۇشقىشتار سەكىرۋ اپپاراتىن قوسىپ, امان قالعان. اپاتقا ۇشاق قوزعالتقىشىنىڭ جۇمىس ىستەمەي قالۋى سەبەپ بولىپتى. قازىرگى كەزدە ءۇندىستان قارۋلى كۇشتەرىندە وسىنداي ۇلگىدەگى 120 ۇشاق بار ەكەن.
مەكسيكادا ءۇش ەر ادام رەيستىك اۆتوبۋستاعى جولاۋشىلاردى توناماق بولادى. بىراق بۇل ارەكەتتەرى جۇزەگە اسپاي قالعان. جولاۋشىلار ولاردىڭ ەكەۋىن تەكپىنىڭ استىنا الىپ ولتىرسە, تاعى بىرەۋى امان كورىنەدى. قارۋلى قاراقشىلار كولىكتى توقتاتىپ, ونىڭ جولاۋشىلارىنان اقشالارى مەن باعالى زاتتارىن بەرۋدى تالاپ ەتسە كەرەك.
ۇلتتىق حوككەي ليگاسىندا (ۇحل) ونەر كورسەتەتىن «پيتتسبۋرگ پينگۆينس» فينالدا «سان-حوسە شاركس» كومانداسىن جەڭىپ, ستەنلي كۋبوگىن كەزەكتى مارتە جەڭىپ الدى. وسىلايشا «پيتتسبۋرگ» ۇحل-دىڭ باستى جۇلدەسىنە ءوزىنىڭ تاريحىندا ءتورتىنشى رەت قول جەتكىزدى (1991, 1992, 2009 جانە 2016 جىلدار).
ۋكراينانىڭ دونەتسكىلىك «شاحتەر» كلۋبىنىڭ كاپيتانى جانە فۋتبولدان حورۆاتيا قۇراماسىنىڭ ويىنشىسى داريو سرنانىڭ اكەسى بۇگىندە فرانتسيا قالالارىندا ءوتىپ جاتقان ەۋروپا چەمپيوناتىنىڭ كەزەكتى تۋرىندا حورۆاتيا قۇراماسى تۇركيا قۇراماسىمەن ويناپ جاتقان كەزدە قايتىس بولعان. فۋتبولشى اكەسىنىڭ كوز جۇمعانىن ويىن اياقتالعان سوڭ عانا ەستىپتى.
مەركەل قىسىمعا شىداس بەرمەيتىندەي
گفر كانتسلەرى انگەلا مەركەل تۇركيا تاراپىنىڭ وسى ەل تۇرعىندارى ءۇشىن شەنگەن ۆيزاسىن الىپ تاستاۋعا ىقپال ەتۋ تۋرالى قىسىمىنا مويىنسۇنۋعا دايىن سەكىلدى. سوڭعى اپتالاردا تۇركيا مەن ەۋرووداق اراسىندا وسى ماسەلەگە قاتىستى تالاس قىزىپ تۇر.
تۇركيا پرەزيدەنتى رەدجەپ تايىپ ەردوعان تەرروريزممەن كۇرەس تۋرالى زاڭ قاتال دەگەن ەسكەرتۋلەرگە قاراماستان, ونى قايتا قاراستىرۋدان باس تارتىپ وتىر. ال ەۋرووداقتىڭ انكاراعا ەو-عا مۇشەلىككە وتۋگە قاتىستى قويىپ وتىرعان باستى تالابىنىڭ ءبىرى وسى زاڭ, ياعني ونى جۇمسارتۋ بولىپ تابىلادى. بۇل جەردە تۇركيا تاراپىنىڭ تالابى دا ورىندى سەكىلدى. ەگەر شەنگەن ۆيزاسى الىنباسا, وندا تۇركيا ارقىلى ەۋروپاعا اعىلعان بوسقىندار اعىنى ارتپاسا, تولاستامايتىنى انىق.
سەناتوردىڭ ورىندى تالابى
امەريكالىق سەناتور-دەموكرات ديك دۋربين كونگرەستى قارۋعا باقىلاۋدى قاتايتۋ تۋرالى زاڭدى قايتا قاراۋعا شاقىردى. «ءبىزدىڭ قارەكەت جاساۋعا كۇشىمىز جەتەدى. ءبىز امەريكادا بۇزىق ويلى ادامداردىڭ قارۋ ساتىپ الۋىنا جاعداي جاساپ, ماسەلەنىڭ شارىقتاۋ شەگىنە جەتىپ وتىرمىز», دەيدى سەناتور.
نيۋ-يورك شتاتىنىڭ گۋبەرناتورى ەندريۋ م.كۋومو دا جاڭا زاڭ جوباسىن جاساۋ كەرەك دەگەن ۇسىنىستى قولدايتىنىن ءبىلدىردى. ونىڭ سوزىنە قاراعاندا, كونگرەسكە قارۋ-جاراقتىڭ قاۋىپسىز اينالىمىن قامتاماسىز ەتەتىن پاراساتتى زاڭ جوباسىن قابىلداۋ كەرەك. ۆاشينگتونعا ناقتى ءىس-قيمىل تانىتاتىن ۋاقىت جەتتى. گۋبەرناتوردىڭ وكىمىمەن فلوريدا تۇرعىندارىن قولداۋ رەتىندە نيۋ-يورك شتاتىندا دا بارلىق مەكەمەلەردە تۋ تومەن ءتۇسىرىلدى.
ەكى ەل فاناتتارىنا ەسكەرتۋ جاسالدى
ەۋروپا فۋتبول قاۋىمداستىقتارىنىڭ وداعى (ۋەفا) ەگەر جانكۇيەرلەرى تاراپىنان زورلىق ارەكەتتەر قايتالاناتىن بولسا, وندا رەسەي جانە انگليا قۇرامالارى ەۋروپا چەمپيوناتىنا قاتىسۋشىلار ساناتىنان شىعارىلىپ تاستاۋى ىقتيمال ەكەنىن ەسكەرتتى.
وتكەن سەنبى كۇنى انگليا جانە رەسەي قۇرامالارى 1:1 ەسەبىمەن تەڭ ويناعان ەدى. ويىن توڭىرەگىندەگى جاعداي وتە كۇردەلى بولاتىن. ويتكەنى, ەكى جاقتىڭ جانكۇيەرلەرى مارسەل قالاسىندا ويىننان كوپ بۇرىن, ياعني بەيسەنبى كۇنى-اق قاتتى شەكىسىپ قالعان ەدى. وسى احۋال ويىن قارساڭىندا شارىقتاۋ شەگىنە جەتكەن-ءتىن. تورەشىنىڭ ويىن اياقتالعانى تۋرالى ىسقىرىعى ەستىلىسىمەن, رەسەيلىك فاناتتار اعىلشىن جانكۇيەرلەرى وتىرعان سەكتوردا ءتارتىپسىز ارەكەتتەرىن باستاپ كەتكەن ەدى.
ينتەرنەت ماتەريالدارى نەگىزىندە ازىرلەندى