ماۋسىمنىڭ 13-ءى كۇنى الماتىدا رەسەيلىك تەاتر جانە كينو ءارتيسى دميتري ميرون 42 جاسىندا قايتىس بولدى.
بۇل تۋرالى ماسكەۋدەگى پروديۋسەرلىك ورتالىقتىڭ ديرەكتورى, بەلگىلى اكتريسە يرينا اپەكسيموۆا تاسس تىلشىسىنە حابارلادى.
«مەن بۇگىن تاڭەرتەڭ الماتىداعى اۋرۋحانادا ديمانىڭ قايتىس بولعانىن بىلەمىن. ول سوندا ەكى جىلدان بەرى جۇمىس ىستەپ جۇرگەن ەدى. بىراق نەدە قايتقانىنىڭ جاي-جاپسارىن تولىق بىلمەيمىن», - دەدى ول.
دميتري ميرون بەلارۋستە تۋىپ-وسكەن. مينسكىدەگى ۆلاديمير گوستيۋحين جەتەكشىلىك ەتەتىن كينواكتەرلەر گيلدياسى جانىنداعى مەكتەپ-ستۋديادا وقىلى. ونى 1994 جىلى بىتىرگەننەن كەيىن دميتري» ماسكەۋدەگى راتي-گە ءتۇسىپ, ۆلاديمير لەۆەرتوۆتىڭ شەبەرحاناسىندا شەبەرلىگىن شىڭدادى.
سودان كەيىنگى جىلدارى اكتەر رەسەي ارمياسى تەاترىندا جۇمىس جاسادى. وسىندا ءجۇرىپ, «ماروسەيكا, 12», «ءىز», «بارۆيحا-2» سەكىلدى سەريالدارعا,«گارپاستۋم», «ماۋسىم ايىنداعى قوشتاسۋ» سەكىلدى بىرقاتار كارتينالارعا ءتۇستى.
اكتەر 2002 جىلدان باستاپ ۇزاق ۋاقىت يرينا اپەكسيموۆانىڭ پروديۋسەرلىك ورتالىعىندا قىزمەت ەتىپ, ونىمەن بىرگە بىرقاتار فيلمدەرگە ءتۇستى, ماكسيم اۆەرينمەن بىرگە جۇمىس جاسادى. اپەكسيموۆانىڭ ۇسىنىسىمەن رومان ۆيكتيۋكتىڭ «كارمەن» سپەكتاكلىندە وينادى.
مۇرات ايتقوجا.
مانبە, ءراسىم: تاسس.