قىرعىزستاننىڭ «ىنتىماك» تەلەراديوكومپانياسى 9 ماۋسىم كۇنى جاريالاعان ۆيدەو الەۋمەتتىك جەلىدەگى باستى تاقىرىپتاردىڭ بىرىنە اينالىپ كەتتى. بۇعان وندا وش قالاسىنداعى شەنەۋنىكتەر مەن كەنەش دەپۋتاتتارىنىڭ جيىنداردا قالاي ۇيىقتاپ وتىراتىندارى نەمەسە نەمەن اينالىساتىندارى كورسەتىلگەنى سەبەپ بولدى.
روليكتە جۋرناليستەر قالا بيلىگىنىڭ باسىندا وتىرعان شەندىلەر مەن شەكپەندىلەردىڭ حالىق سەنىپ تاپسىرعان جۇمىستارىنا قانشالىقتى جاۋاپتىلىقپەن قارايتىندارىن بايقاتقىلارى كەلگەن. ال سول كۇنگى وتىرىستا وش قالاسى دامۋىنىڭ ستراتەگيالىق جوسپارى ماسەلەسى قارالىپتى.
«ىنتىماك» وش قالاسىنىڭ مەرى ايتمامات كادىرباەۆتىڭ وتىرىسقا كەلمەگەنىن, ال قالالىق كەنەش سپيكەرى مەن ۆيتسە-مەردىڭ جيىن باستالار الدىندا كەتىپ قالعانىن اتاپ كورسەتەدى.
روليك جۇرتتىڭ قاتتى نارازىلىعىن تۋعىزدى. الەۋمەتتىك جەلىلەر تەڭسەلىپ كەتتى. ال «فەيسبۋكتى» پايدالانۋشى ماكساتبەك امانگەلديەۆ وسىنداي شەنەۋنىكتەردى جاۋاپتى ورىندارعا سايلاپ وتىرعان جۇرتتىڭ ءوزى كىنالى ەكەنىن جازىپتى. «مىنا شەنەۋنىكتەر ءبىزدى 500-1000 سوممەن الداپ كەتتى. ەگەر ولاي بولماعان بولسا, مىنا جەردە ءبىزدىڭ بولاشاعىمىزدى ويلايتىن ادامدار وتىرعان بولار ەدى», - دەپ جازادى ول.
مۇرات ايتقوجا.
دەرەك, فوتو: Kloop.kg.