«استانا ەكسپو-2017» ۇك» اكتسيونەرلىك قوعامىنىڭ باسقارما توراعاسى احمەتجان ەسىموۆ بوكستان الەم چەمپيونى, قازاقستان رەسپۋبليكاسى ەڭبەك سىڭىرگەن سپورت شەبەرى گەننادي گولوۆكينمەن كەزدەستى.
ۇلتتىق كومپانيا باسشىسى ەكسپو-2017 كورمەسىن ىلگەرىلەتۋ باعىتىندا اتقارىپ جاتقان جۇمىسى ءۇشىن سپورتشىعا العىس ءبىلدىردى.
«ءبىزدىڭ كومپانيا ءسىزدىڭ تاماشا سپورتتىق جەتىستىكتەرىڭىزدى زور ىنتىزارلىقپەن قاداعالاپ وتىرادى. بىرىنشىدەن, ءبىز, بارلىق قازاقستاندىقتار سياقتى ءوزىڭىزدى ەلىمىزدىڭ ماقتانىشى سانايمىز. ەكىنشىدەن, كورمەنى الەمگە تانىتۋ باستاماسىن موينىڭىزعا العانىڭىزعا شەكسىز قۋانىشتىمىز», – دەدى احمەتجان ەسىموۆ.
ءوز كەزەگىندە, گەننادي گولوۆكين كورمە تاقىرىبىنىڭ ماڭىزدىلىعىن جەتكىزۋ بارىسىندا بارلىق كۇش-جىگەرىن سالاتىندىعىن ايتتى. «مەن ءۇشىن ەكسپو-2017-ءنىڭ رەسمي ەلشىسى بولۋ ءارى تاۋەلسىز قازاقستان تاريحىنداعى ەڭ ءبىر اۋقىمدى جوبالاردىڭ ءبىرىن تانىستىرۋ – ۇلكەن مارتەبە», – دەدى گ.گولوۆكين. كەزدەسۋ بارىسىندا حالىقارالىق دارەجەدەگى سپورت شەبەرىمەن قازاقستاندا ءىرى بوكس-يۆەنتتى وتكىزۋدى ءارى بۇل سپورتتىق شارانى «استانا ەكسپو-2017»-گە ورايلاستىرۋ ماسەلەسى تالقىلاندى.