2016 جىلعى 10 ماۋسىمدا كەلەسى جىلى استانادا اشىلاتىن ەكسپو-2017 حالىقارالىق مامانداندىرىلعان كورمەسىنە بيلەتتەردى ونلاين-ساتۋ باستالدى. بيلەت باعدارلاماسى بويىنشا ءاربىر قازاقستاندىقتىڭ كورمەنى تاماشالاۋعا تولىق مۇمكىندىگى بار.
استانادا وتەتىن حالىقارالىق كورمەنىڭ بيلەت باعدارلاماسى شارانى وتكىزۋدىڭ الەمدىك تاجىريبەسىندە بىرەگەي بولىپ تابىلادى. ەكسپوزيتسيانى ۇلى وتان سوعىسىنا قاتىسۋشىلار مەن مۇگەدەكتەرى, مۇمكىندىگى شەكتەۋلى جاندار, جەتىم جانە 6 جاسقا دەيىنگى بالالار تەگىن تاماشالاي الادى. زەينەتكەرلەر, كوپ بالالى انالار, ستۋدەنتتەر مەن وقۋشىلارعا جەڭىلدىكتەر جاسالادى.
قازىرگى كەزدە 89 مەملەكەت پەن 15 حالىقارالىق ۇيىم ەكسپو-2017 كورمەسىنە قاتىساتىندارىن راستادى. بيلەتتەر مەن باسقا دا بيلەت ونىمدەرى ساتىلىمعا كەزەڭ-كەزەڭمەن شىعارىلادى. 10 ماۋسىم-
10 شىلدە ارالىعىندا پرومو-كەزەڭ وتكىزىلەدى, بۇل كەزدە بيلەتتى بارىنشا تومەن باعامەن ساتىپ الۋعا بولادى. ال 10-20 ماۋسىم كۇنەرى ارالىعىندا ساتىلاتىن بيلەتتەرگە 50%, 21-30 ماۋسىمدا 30%, 1-10 شىلدەدە 20% جەڭىلدىك جاسالادى.
سونىمەن قاتار, 10 شىلدە-10 تامىز ارالىعىندا تۋروپەراتورلار مەن رەسەلەرلەر ءۇشىن پرومو-كەزەڭ وتكىزىلەدى. ۇستىمىزدەگى جىلدىڭ
1 قىركۇيەگىندە بارشا قازاقستان بويىنشا وفلاين-كاسسالار اشىلادى. ۇلتتىق مەرەكەلەردى وتكىزۋ اياسىندا بيلەتتەردى كوشپەلى ساتۋدى ۇيىمداستىرۋ جوسپارلانعان. بۇدان باسقا, بيلەت ساتۋعا ەكسپو-2017 سەرىكتەستەرى – «قاز-پوشتا» اق, «قازاقستان تەمiر جولى» ۇك» اق, «Air Astana» اق تارتىلادى. جالپى العاندا, بيلەتتەردى الدىن الا ساتۋ بيىلعى 10 ماۋسىمنان باستالىپ, 2017 جىلدىڭ 9 ماۋسىمىنا دەيىن جۇرگىزىلەدى. بيلەتتى www.tickets.expo2017astana.com سايتىنان ساتىپ الۋعا بولادى.
ءسويتىپ, كەشەدەن باستاپ بۇكىل الەم بويىنشا «استانا ەكسپو-2017» حالىقارالىق مامانداندىرىلعان كورمەسىنە بيلەت ساتۋ ناۋقانى باستالدى. كورمەنىڭ العاشقى بيلەتىن ونلاين-ساتۋ جۇيەسى ارقىلى استانا قالاسىنىڭ 24 جاسار تۇرعىنى ولجاس وڭالوۆ ساتىپ الدى. وسىعان بايلانىستى كورمەنى ۇيىمداستىرۋشىلار وفيسىندە ۇلتتىق كومپانيانىڭ باسقارما توراعاسى احمەتجان ەسىموۆ العاشقى بيلەت الۋشىنى قابىلداپ, وعان ەسكەرتكىش سىيلىق تابىس ەتتى.
«ەگەمەن-اقپارات»