ۇلىبريتانيانىڭ تانىمال عالىمدارى

قازاقستاندا سەمينار-ترەنينگ وتكىزۋدە قازاقستان پرەزيدەنتى جانىنداعى مەملەكەتتىك باسقارۋ اكادەمياسىندا «مەم­لەكەتتىك باسقارۋ سالاسىنداعى زەرتتەۋ­لەردىڭ قازىرگى ادىستەرى» تاقىرى­بىندا سەمينار-ترەنينگ باستالدى. سەمي­ن­ار-ترەنينگتى ۇلىبريتانيانىڭ تانىمال عالىمدارى كولين نوكس پەن كارل دجون و’كوننور وتكىزىپ جاتىر. ۇلىبريتانيانىڭ قوعامدىق جانە گۋمانيتارلىق عىلىمدار ۇلتتىق اكادەميا­سىنىڭ حالىقارالىق گرانتى شەڭبەرىندە ۇيىمداستىرىلعان وسى ءىس-شاراعا مەم­لەكەتتىك باسقارۋ اكادەمياسىنىڭ پروفەس­سورلىق-وقىتۋشىلار قۇرامى, عىلىمي قىز­مەت­كەرلەرى جانە دوكتورانتتارى قاتىسۋدا. بيىلعى جىلدىڭ 18-21 مامىرى كۇندە­رى سەمينار تىڭداۋشىلارىنا مەملەكەت­تىك ساياسات جانە باسقارۋ سالاسىن­داعى جەتەكشى ەۋروپالىق ساراپشىلار – ۇلى­بري­تانيانىڭ ءسولتۇس­تىك يرلانديا­داعى ولس­تەر ۋنيۆەرسيتەتىنىڭ قوعامدىق ساياسات پروفەسسورى كولين نوكس پەن ولستەر ۋنيۆەرسيتەتىنىڭ كريمينو­لوگيا, ساياسات جانە الەۋمەتتىك ساياسات مەك­تەبىنىڭ وقىتۋشىسى كارل دجون و’كوننور ءدارىس بەرەدى. پروفەسسور كولين نوكس قىتاي, رەسەي, لاتۆيا, گرۋزيا, بانگلادەش سياقتى كوپتەگەن ەلدەردە مەملەكەتتىك سە­ك­توردى رەفورمالاۋ سالاسى بويىنشا زەرت­تەۋلەر جۇرگىزگەن. ال پروفەسسور كولين نوكس 2016 جىلدىڭ 26 مامىرىندا استانا ەكونو­ميكالىق فورۋمى اياسىندا وتەتىن «ينس­تيتۋتتىق رەفورمالاردى تابىس­تى جۇزەگە اسىرۋدىڭ كاسىبي مەملەكەت­تىك اپپاراتى» اتتى الەمدىك كونفەرەن­تسيا­عا نەگىزگى سپيكەرلەردىڭ ءبىرى رەتىندە قاتىسادى. سەمينار-ترەنينگ بارىسىندا بريتا­نيالىق ساراپشىلار مەملەكەتتىك قىزمەت جانە باسقارۋ سالاسىندا عىلىمي-زەرتتەۋ جۇمىسىن جۇرگىزۋ تاجىريبەسىن ورتاعا سالا­دى, زەرتتەۋ مەن مودەلدەۋدىڭ يننوۆاتسيا­لىق ادىستەرى, الەۋمەتتىك ساۋالداما, سۇح­باتتاسۋ, فوكۋس-توپتار سەكىلدى ساپالىق جانە ساندىق تالداۋدىڭ قازىرگى ادىستەمەسى تۋرالى ايتادى. «ەگەمەن-اقپارات»