بايلىققا دا, باقىتقا دا ورىن تابىلادى
وڭىرگە جۇمىس ساپارىمەن كەلگەن مەملەكەتتىك حاتشى گۇلشارا ابدىقالىقوۆا مەن وبلىس اكىمى بولات باقاۋوۆ وبلىس ورتالىعىنداعى «قازاقستان ءاليۋمينيى» اق-تا بولدى. كاسىپورىننىڭ ءماجىلىس زالىندا وتكەن «جۇمىسشى جاستار كەڭەسىنىڭ» جيىنىنا وڭىردەگى ءوندىرىس ورىندارىندا ەڭبەك ەتىپ جۇرگەن 200-دەن استام جاس قاتىستى.
كەزدەسۋ بارىسىندا گ.ءابدىقالىقوۆا مەن ب.باقاۋوۆقا «قازاقستان ەلەكتروليز زاۋىتىندا» شىعارىلعان پاۆلودارلىق اليۋميني قۇيماسى سىيعا تارتىلدى. بۇل كۇندەرى وڭىردەگى ءوندىرىس ورىندارىندا 35 جاسقا دەيىنگى 56 مىڭ جاس جۇمىسشى ماماندىعى بويىنشا ەڭبەك ەتۋدە. مىسالى, «پاۆلودار مۇناي-حيميا زاۋىتى» جشس ينجەنەرى دانيار كۇشەنوۆتىڭ ايتۋىنشا, ءوندىرىس ورىندارىنا كەلگەن جاستار بىلىمدەرى مەن بىلىكتىلىكتەرىن دە شىڭداۋدا. جانە دە قازىرگى تالاپقا ساي جاستار وندىرىستە جاڭا تەحنولوگيالىق قۇرىلعى, قوندىرعىلارمەن جۇمىس جاساپ, الداعى ۋاقىتتا كاسىپورىندى جاڭعىرتۋعا ۇلەس قوسادى.
گ.ابدىقالىقوۆا ەلىمىزدە جۇزەگە اسىرىلىپ جاتقان جاستار ساياساتى ماسەلەسىنە توقتالدى. ەلىمىزدىڭ بارلىق وبلىستارىندا 17 جۇمىسشى جاستار كەڭەسى بار. بارلىق كاسىپورىندا جاستاردىڭ ءبىلىم الىپ, بىلىكتىلىگىن ارتتىرۋى ءۇشىن شارالار قابىلدانادى. پاۆلودار وبلىسىنىڭ 45-كە جۋىق جوعارى جانە ورتا كاسىپتىك, كوللەجدەرىندە دۋالدى وقىتۋ جۇيەسى ەنگىزىلگەن. ەندى الداعى جىلداردان باستاپ بارلىق جاستار ءۇشىن كاسىپتىك-تەحنيكالىق ءبىلىم الۋ تەگىن بولادى. سوڭعى كەزدەرى ەلىمىزدە 2,4 ملرد. دوللار كوللەدج ستۋدەنتتەرىن وقىتۋعا جۇمسالعان. ادام كاپيتالىن دامىتۋ مىندەتى قويىلىپ, ءبىلىم بەرۋ, دەنساۋلىق ساقتاۋ جانە جاستاردىڭ الەۋمەتتىك قورعالۋىنا باسا نازار اۋدارىلىپ وتىر, دەدى مەملەكەتتىك حاتشى.
سونىمەن قاتار, كەزدەسۋدە گ.ابدىقالىقوۆا جاستارعا ەلدەگى جاستار ساياساتى تۋرالى زاڭ مەن قازاقستاندىق جاستارعا ءبىلىم الۋعا, جۇمىس ىستەۋگە, بىلىكتىلىكتەرىن ارتتىرۋعا, ءبىلىم الۋداعى الەۋمەتتىك پاكەتتەر مەن جەڭىلدىكتەردى پايدالانۋعا جول اشاتىن وزگە قۇجاتتار جايلى باياندادى. ال زاۋىت جاستار كەڭەسىنىڭ باسشىسى وكسانا پارشۋكوۆانىڭ ايتۋىنشا, كاسىپورىندا قۇرامىندا 23 جاس بار كەڭەس جۇمىس جاسايدى. ءبىزدىڭ كاسىپورىن وبلىس ورتالىعىنداعى ۆورۋشين اتىنداعى ساياباقتى قامقورلىققا العان. بيىل 300-دەي كاسىپورىننىڭ جاس جۇمىسشىلارى ساياباقتى قالپىنا كەلتىرۋ, تازالاۋ جۇمىستارىنا قاتىستى.
زاۋىتتا 2500-دەي جاس مامان ەڭبەك ەتەدى. ولارعا جاستار قوعامدىق كەڭەسى تاراپىنان قولداۋ كورسەتىلىپ, قاجەتتى الەۋمەتتىك جاعدايلارىنا نازار اۋدارىلادى, دەدى و.پارشۋكوۆا.
بۇدان كەيىن گ.ابدىقالىقوۆا وبلىستاعى «ىسكەر ايەلدەر قاۋىمداستىعىمەن» دە كەزدەستى. جالپى, وبلىستا 148 اۋىلدىڭ 25-ءىن ايەل باسقارادى. سوڭعى جىلداردا وبلىسىمىزدا ءتۇرلى سالانى باسقارىپ وتىرعان ايەلدەر قاۋىمىنىڭ سانى ارتقان. مىسالى, 22 وبلىستىق باسقارمانىڭ بەسەۋىن ايەلدەر باسقارادى. ال باسقارمالار باسشىلارىنىڭ ورىنباسارلارى اراسىندا ولاردىڭ سانى – 9. سونىمەن قاتار, جەرگىلىكتى اتقارۋشى بيلىكتىڭ بارلىق مەملەكەتتىك قىزمەتكەرلەرىنىڭ 73,3 پايىزى ايەلدەر, دەدى كەزدەسۋدە وبلىس اكىمىنىڭ ورىنباسارى مەيرام بەگەنتاەۆ.
ال, ەڭ باستىسى, ايەل-انالاردىڭ دەنساۋلىعىن ساقتاۋ ءۇشىن ولاردىڭ سكرينينگتەن وتۋىنە 84 ميلليون تەنگە بولىنگەن. بۇل تۋرالى گ.ابدىقالىقوۆانىڭ وڭىردەگى ايەلدەر قاۋىمىنىڭ وكىلدەرىمەن كەزدەسۋى بارىسىندا №2 پەرزەنتحانانىڭ باس دارىگەرى ايمان وسپانوۆا ءمالىم ەتتى. ياعني, سكرينينگتىك تەكسەرۋدىڭ ناتيجەسىندە ايەلدەر اراسىندا جاڭادان پايدا بولعان قاتەرلى ىسىكتىڭ تومەندەۋى بايقالادى. ءسۇت بەزىنىڭ قاتەرلى ىسىگى 2,1 پايىزعا جانە جاتىر موينى قاتەرلى ىسىگى 0,5 پايىزعا ازايعان. وبلىس ەمدەۋ ورىندارىندا 10 مامموگرافيالىق كابينەت جۇمىس جاسايدى.
تۇستەن كەيىن مەملەكەتتىك حاتشى گۇلشارا ابدىقالىقوۆانىڭ قاتىسۋىمەن «قوعامدىق كەلىسىم» سارايىندا وبلىستىق قازاقستان حالقى اسسامبلەياسىنىڭ «تاۋەلسىزدىك. كەلىسىم. بولاشاعى ءبىرتۇتاس ۇلت» كۇن تارتىبىمەن ءححىى سەسسياسى ءوتتى. سەسسيانى كىرىسپە ءسوز سويلەپ اشقان وبلىس اكىمى بولات باقاۋوۆ:
– بۇگىن ءبىز مەملەكەتتىك حاتشى گۇلشارا ناۋشاقىزىنىڭ قاتىسۋىمەن وبلىستىق قازاقستان حالقى اسسامبلەياسىنىڭ ححII سەسسياسىنا جينالىپ وتىرمىز. سەسسيا جۇمىسىنا وبلىستىق اسسامبلەيا مۇشەلەرى, قالالار مەن اۋدانداردىڭ ەتنومادەني ءبىرلەستىكتەر وكىلدەرى, ۇكىمەتتىك ەمەس ۇيىمداردان وكىلدەر قاتىسىپ وتىر. ەلباسى نۇرسۇلتان نازارباەۆ ايقىنداپ بەرگەن باسىم باعىتتاردى ورىنداۋ, ەلىمىزدىڭ ەكونوميكاسىن دامىتۋ, ەلباسىنىڭ باستاماسىمەن قولعا الىنعان «100 ناقتى قادام» ۇلت جوسپارىن جۇزەگە اسىرۋ ءۇشىن بىرلىك, تاتۋلىق اۋاداي قاجەت, – دەدى.
ەلباسىنىڭ ورتاق مۇددەگە جۇمىلدىرعان تاتۋلىق, ىنتىماقتاستىق, بەرىك دوستىقتى ساقتاۋ ساياساتى ەل ىشىندە قولداۋ تاپتى. بۇل كۇندەرى وتان, تاۋەلسىزدىك, تۇراقتىلىق, تۇراقتى دامۋ دەگەن ۇعىمدار ءاربىر قازاقستاندىقتىڭ جۇرەك-جادىنان بەرىك ورىن العان. بۇل كۇندەرى «دوستىق ۇيىندە» وبلىستىق قازاقستان حالقى اسسامبلەياسىنىڭ حاتشىلىعى, 18 ەتنومادەني بىرلەستىك, اسسامبلەيانىڭ جاستار ءبىرلەستىگى, ۇلتتىق وركەندەۋ مەكتەبى, 9 قالالىق ۇلتتىق مادەني ءبىرلەستىك, 30-عا جۋىق اۋدان, اۋىلداردا فيليالدارى, جاستاردىڭ 14 ۇلتتىق بىرلەستىگى جۇمىس ىستەيدى. 1996 جىلى اشىلعان ۇلتتىق «جاڭعىرۋ» مەكتەبىندە قازىر 17 ۇلتتىڭ ۇل-قىزدارى, اتاپ ايتقاندا, 600-گە جۋىق وقۋشى وزدەرىنىڭ انا تىلدەرىن, سالت-داستۇرلەرىن, تاريحىن وقىپ-ۇيرەنۋدە.
گ.ابدىقالىقوۆا وبلىستا جاسالىپ جاتقان يگى شارالارعا وڭ باعاسىن بەردى. قۇرمەتتى جينالعان قاۋىم! الدىمەن پاۆلودارلىقتاردىڭ وتكەن جىلى اتقارعان جۇمىستارى ءۇشىن العىسىمدى بىلدىرگىم كەلىپ وتىر. وسى اتقارىلعان ىستەردىڭ بارلىعى دا ەل بىرلىگىنىڭ وزىق ۇلگىسى بولىپ تابىلادى, دەدى ول.
سەسسيا بارىسىندا وبلىستىق قازاقستان حالقى اسسامبلەياسى توراعاسىنىڭ ورىنباسارى بولىپ ت.شەۆچەنكو اتىنداعى ۋكراين ەتنومادەني بىرلەستىگىنىڭ باسشىسى ميحايل پاريپس سايلاندى. شارا سوڭىندا «دارىندى بالالارعا ارنالعان مۋزىكالىق مەكتەپ-ينتەرناتى» ديرەكتورى ۆيكتور دەنيسەنكو مەن «قازاقستان كورەيلەرى قاۋىمداستىعى» وبلىستىق فيليالىنىڭ باسشىسى رۋسلان تيان قازاقستان حالقى اسسامبلەياسىنىڭ قوعامدىق «بىرلىك» التىن مەدالىمەن ماراپاتتالدى.
بۇدان كەيىن مەملەكەتتىك حاتشى گۇلشارا ابدىقالىقوۆا ءجۇسىپبەك ايماۋىتوۆ اتىنداعى قازاق تەاترىندا وتكەن مادەنيەت جانە ونەر قىزمەتكەرلەرىنىڭ كۇنىنە ارنالعان مەرەكەلىك شارالارعا قاتىستى.
فاريدا بىقاي,
«ەگەمەن قازاقستان»
پاۆلودار وبلىسى
سۋرەتتى تۇسىرگەن
ۆالەري بۋگاەۆ