2016 جىلعى 8 اقپان, استانا قالاسى
«سپورت تۇرلەرىن, سپورت سالالارىن تانۋ جانە سپورت تۇرلەرىنىڭ ءتىزىلىمىن قالىپتاستىرۋ قاعيدالارىن بەكىتۋ تۋرالى» قازاقستان رەسپۋبليكاسى
مادەنيەت جانە سپورت ءمينيسترىنىڭ مىندەتىن اتقارۋشىنىڭ 2014 جىلعى 28 قازانداعى № 55 بۇيرىعىنا وزگەرىستەر ەنگىزۋ تۋرالى
«نورماتيۆتىك قۇقىقتىق اكتىلەر تۋرالى» 1998 جىلعى 24 ناۋرىزداعى قازاقستان رەسپۋبليكاسى زاڭىنىڭ 43-1-بابىنىڭ 1-تارماعىنا سايكەس بۇيىرامىن:
1. «سپورت تۇرلەرىن, سپورت سالالارىن تانۋ جانە سپورت تۇرلەرىنىڭ ءتىزىلىمىن قالىپتاستىرۋ قاعيدالارىن بەكىتۋ تۋرالى» قازاقستان رەسپۋبليكاسى مادەنيەت جانە سپورت ءمينيسترىنىڭ مىندەتىن اتقارۋشىنىڭ 2014 جىلعى 28 قازانداعى № 55 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9912 بولىپ تىركەلگەن, «ادىلەت» اقپاراتتىق-قۇقىقتىق جۇيەسىندە 2014 جىلعى 19 جەلتوقساندا جاريالانعان) مىناداي وزگەرىستەر ەنگىزىلسىن:
كورسەتىلگەن بۇيرىقپەن بەكىتىلگەن سپورت تۇرلەرىن, سپورت سالالارىن تانۋ جانە سپورت تۇرلەرىنىڭ ءتىزىلىمىن قالىپتاستىرۋ قاعيدالارىندا:
2-تارماقتىڭ 3) تارماقشاسى مىناداي رەداكتسيادا جازىلسىن:
«3) سپورت تۇرلەرىنىڭ ءتىزىلىمى – قازاقستان رەسپۋبليكاسىنىڭ اۋماعىندا دامىپ وتىرعان سپورت تۇرلەرى مەن سپورت سالالارى تۋرالى قاعاز جانە ەلەكتروندىق جەتكىزگىشتەردە تىركەلگەن مالىمەتتەردى قامتيتىن اقپاراتتىق جۇيە;»;
18-تارماققا ورىس تىلىندە وزگەرىس ەنگىزىلدى, قازاق تىلىندەگى ءماتىنى وزگەرمەيدى.
2. قازاقستان رەسپۋبليكاسى مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى (ە.ب. قاناعاتوۆ) زاڭنامادا بەلگىلەنگەن تارتىپپەن:
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىق مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ەلتاڭبالى مورمەن كۋالاندىرىلعان قاعاز داناداعى كوشىرمەسىن قوسا بەرە وتىرىپ, ەلەكتروندىق تاسىعىشتا وسى بۇيرىقتىڭ كوشىرمەلەرىن «ادىلەت» اقپاراتتىق-قۇقىقتىق جۇيەسىندە جانە مەرزىمدى باسپا باسىلىمدارىندا رەسمي جاريالاۋ ءۇشىن, ەلتاڭبالى مورمەن كۋالاندىرىلعان قاعاز داناداعى كوشىرمەسىن قوسا بەرە وتىرىپ, وسى بۇيرىققا قول قويۋعا ۋاكىلەتتىلىك بەرىلگەن ادامنىڭ ەلەكتروندىق تسيفرلىق قولتاڭباسىمەن راستالعان ەلەكتروندىق تۇردە قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن جولداۋدى;
3) وسى بۇيرىق رەسمي جاريالانعاننان كەيىن ونى قازاقستان رەسپۋبليكاسى مادەنيەت جانە سپورت مينيسترلىگىنىڭ ينتەرنەت-رەسۋرسىندا ورنالاستىرۋدى;
4) وسى تارماقتىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى مەملەكەتتىك تىركەۋدەن كەيىن ون جۇمىس كۇنى ىشىندە قازاقستان رەسپۋبليكاسى مادەنيەت جانە سپورت مينيسترلىگىنىڭ زاڭ قىزمەتى دەپارتامەنتىنە ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ مادەنيەت جانە سپورت ۆيتسە-مينيسترىنە جۇكتەلسىن.
4. وسى بۇيرىق العاش رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ مادەنيەت جانە سپورت ءمينيسترى ا.مۇحامەدي ۇلى
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 5 ناۋرىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13407 بولىپ ەنگىزىلدى.