2016 جىلعى 28 قاڭتار, استانا قالاسى
«سپورت فەدەراتسيالارىن اككرەديتتەۋ قاعيدالارىن بەكىتۋ تۋرالى» قازاقستان رەسپۋبليكاسى مادەنيەت جانە سپورت ءمينيسترىنىڭ 2014 جىلعى 27 قاراشاداعى
№ 121 بۇيرىعىنا وزگەرىستەر ەنگىزۋ تۋرالى
«نورماتيۆتىك قۇقىقتىق اكتىلەر تۋرالى» 1998 جىلعى 24 ناۋرىزداعى قازاقستان رەسپۋبليكاسى زاڭىنىڭ 43-1-بابىنىڭ 1-تارماعىنا سايكەس بۇيىرامىن:
1. «سپورت فەدەراتسيالارىن اككرەديتتەۋ قاعيدالارىن بەكىتۋ تۋرالى» قازاقستان رەسپۋبليكاسى مادەنيەت جانە سپورت ءمينيسترىنىڭ 2014 جىلعى 27 قاراشاداعى № 121 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10095 بولىپ تىركەلگەن, 2015 جىلعى 5 اقپانداعى «ادىلەت» اقپاراتتىق-قۇقىقتىق جۇيەسىندە جاريالانعان) مىناداي وزگەرىستەر ەنگىزىلسىن:
كورسەتىلگەن بۇيرىقپەن بەكىتىلگەن سپورت فەدەراتسيالارىن اككرەديتتەۋ قاعيدالارىندا:
13-تارماقتا:
ءبىرىنشى ابزاتس مىناداي رەداكتسيادا جازىلسىن:
«13. اككرەديتتەۋدەن ءوتۋ ءۇشىن رەسپۋبليكالىق جانە وڭىرلىك سپورت فەدەراتسيالارى مىناداي قۇجاتتاردى ۇسىنادى:»;
2), 3) جانە 4) تارماقشالار مىناداي رەداكتسيادا جازىلسىن:
«2) باسقارۋدىڭ اتقارۋشى ورگانىنىڭ جەكە قۇرامى تۋرالى مالىمەت;
3) قازاقستان رەسپۋبليكاسىندا سپورت فەدەراتسياسىن مەملەكەتتىك تىركەۋ (قايتا تىركەۋ) تۋرالى انىقتاما نەمەسە كۋالىكتىڭ كوشىرمەسىن;
4) سپورت فەدەراتسياسى (وكىلدىكتەرىنىڭ) فيليالدارىن ەسەپكە الىپ تىركەۋ (قايتا تىركەۋ) تۋرالى انىقتاما نەمەسە كۋالىكتىڭ كوشىرمەسى;»;
6) جانە 7) تارماقشالار الىپ تاستالىنسىن;
8) جانە 9) تارماقشالار مىناداي رەداكتسيادا جازىلسىن:
«8) قازاقستان رەسپۋبليكاسى اتىنان حالىقارالىق وليمپيادا كوميتەتى, ازيا وليمپيادالىق كەڭەسى نەمەسە «سپورت-اككورد» حالىقارالىق كونۆەنتى تانىعان حالىقارالىق سپورت ۇيىمدارىنا مۇشەلىگىن راستايتىن جانە ونى قازاقستان رەسپۋبليكاسىنىڭ ۇلتتىق وليمپيادا كوميتەتى تانىعان قۇجاتتىڭ كوشىرمەسى – وليمپيادالىق جانە وليمپيادالىق ەمەس سپورت تۇرلەرى بويىنشا سپورت فەدەراتسيالارى ءۇشىن;
9) قازاقستان رەسپۋبليكاسى اتىنان حالىقارالىق سپورت ۇيىمىنا مۇشەلىگىن جانە قازاقستان رەسپۋبليكاسىنىڭ ۇلتتىق وليمپيادا كوميتەتىنىڭ تانىعاندىعى تۋرالى قۇجاتتىڭ كوشىرمەسى – ۇلتتىق سپورت تۇرلەرى بويىنشا رەسپۋبليكالىق جانە وڭىرلىك سپورت فەدەراتسيالارى ءۇشىن;»;
16-تارماقتىڭ ءۇشىنشى ءبولىمى مىناداي رەداكتسيادا جازىلسىن:
«ۋاكىلەتتى ورگان رەسپۋبليكالىق نەمەسە وڭىرلىك سپورت فەدەراتسياسىنىڭ مارتەبەسىن راستاۋ ءۇشىن سپورت فەدەراتسياسىن تىركەگەن قازاقستان رەسپۋبليكاسىنىڭ ادىلەت ورگاننان اقپارات سۇراتادى.»;
28-تارماق الىنىپ تاستالسىن.
2. قازاقستان رەسپۋبليكاسى مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى (ە.ب. قاناعاتوۆ) زاڭنامادا بەلگىلەنگەن تارتىپپەن:
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىق مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ەلتاڭبالى مورمەن كۋالاندىرىلعان قاعاز داناداعى كوشىرمەسىن قوسا بەرە وتىرىپ, ەلەكتروندىق تاسىعىشتا وسى بۇيرىقتىڭ كوشىرمەلەرىن «ادىلەت» اقپاراتتىق-قۇقىقتىق جۇيەسىندە جانە مەرزىمدى باسپا باسىلىمدارىندا جانە «رەسمي جاريالاۋ ءۇشىن, ەلتاڭبالى مورمەن كۋالاندىرىلعان قاعاز داناداعى كوشىرمەسىن قوسا بەرە وتىرىپ, ەلەكتروندىق تۇردە وسى بۇيرىققا قول قويۋعا ۋاكىلەتتىلىك بەرىلگەن ادامنىڭ ەلەكتروندىق تسيفرلىق قولتاڭباسىمەن راستالعان قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن جولداۋدى;
3) وسى بۇيرىق رەسمي جاريالانعاننان كەيىن ونى قازاقستان رەسپۋبليكاسى مادەنيەت جانە سپورت مينيسترلىگىنىڭ ينتەرنەت-رەسۋرسىندا ورنالاستىرۋدى;
4) وسى تارماقتىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ءىس-شارالاردى ورىنداعاننان كەيىن ون جۇمىس كۇنى ىشىندە قازاقستان رەسپۋبليكاسى مادەنيەت جانە سپورت مينيسترلىگىنىڭ زاڭ قىزمەتى دەپارتامەنتىنە ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ مادەنيەت جانە سپورت ۆيتسە-مينيسترىنە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسى مادەنيەت جانە سپورت ءمينيسترى ا. مۇحامەدي ۇلى
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 2 ناۋرىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13365 بولىپ ەنگىزىلدى.