قوستاناي. 20 مامىر. وبلىستىڭ تاران اۋدانىندا تاعى ءبىر قۇس فابريكاسىنىڭ قۇرىلىسى جوسپارلانىپ وتىر. بۇل تۋرالى وبلىستىق اۋىل شراۋاشىلىعى باسقارماسىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
قازىر جوبانىڭ سمەتالىق قۇجاتتارى «كازاگروفينانس» اكتسيونەرلىك قوعامىندا قارالۋدا. ەگەر ول قارجىلاندىرىلاتىن بولسا, كەلەسى جىلى قۇس فابريكاسىنىڭ قۇرىلىسى باستالماق. جوبانىڭ ءبىرىنشى ساتىسىندا ءوندىرىس جىلىنا 5 مىڭ توننا برويلەر قۇس ەتىن بەرەتىن بولادى. ول ءۇشىن 4 ميلليارد تەڭگە ينۆەستيتسيا سالىنادى. ال ەكىنشى كەزەڭ 2018 جىلعا جوسپارلانعان. وندا قۇس فابريكاسىنىڭ ەت ءوندىرۋ قۋاتتىلىعى جىلىنا 20-25 مىڭ تونناعا جەتەدى.
مۇنىمەن قوسا, ينۆەستورى بەلگىلى بولعان كومسومول قۇس فابريكاسىنىڭ دا تاعدىرى شەشىلمەك. بولاشاق جوبا «التىن قانات 2050» دەپ اتالاتىن بولادى. فابريكانى قالپىنا كەلتىرىپ, وندىرىسكە قوسقاندا جىلىنا 12,5 مىڭ توننا قۇس ەتىن بەرەتىن بولادى. بۇل ءۇشىن 3 ميلليارد تەڭگە ينسۆەستيتسيا بولىنەدى. قارجىنىڭ باسىم بولىگى قارىزعا الىنباق. بۇگىندە ينۆەستورلار ءتيىستى قۇجاتتارىن «كازاگروفينانس» اكتسيونەرلىك قوعامىنا قاراۋعا بەردى.
ءنازيرا جارىمبەتوۆا.
دەرەك, فوتو: egemen.kz.