كەشە قازاقستاندىق كاسىپقوي بوكسشى گەننادي گولوۆكيننىڭ WBC نۇسقاسى بويىنشا ورتا سالماقتا الەم چەمپيونى اتاعىن العانى بەلگىلى بولدى. بۇعان ول مەكسيكالىق ساۋل «كانەلو» الۆارەس وسى سالماقتاعى چەمپيوندىعى اتاعىنان باس تارتقاننان كەيىن قول جەتكىزدى. وسىلايشا بۇرىنعى WBA (Super), IBO, IBF چەمپيوندىقتارى قاتارىنا تاعى ءبىر ۆەرسيانى قوستى.
«دۇنيەجۇزىلىك «Golden Boy Promotions» بوكس كەڭەسى ساۋل «كانەلو» الۆارەستىڭ ورتا سالماقتاعى WBC بەلدىگىنەن باس تارتقانى تۋرالى رەسمي مالىمدەمە الدى. وسىعان وراي گەننادي گولوۆكين WBC نۇسقاسى بويىنشا ورتا سالماقتاعى الەم چەمپيونى اتاندى. WBC «كانەلوعا» مانسابىندا ساتتىلىك تىلەيدى, بولاشاقتا گولوۆكين-الۆارەس جەكپە-جەگىن كورۋگە ءۇمىتتىمىز», – دەلىنگەن ۇيىم تاراتقان حابارلامادا.
ايتا كەتەيىك, گەننادي گولوۆكين مەن ساۋل الۆارەس كوماندالارى 24 مامىردا ەكى بوكسشىنىڭ الدا وتۋگە ءتيىستى جەكپە-جەكتەرى تۋرالى كەلىسىمگە كەلۋلەرى كەرەك-ءتىن. وندا كەلىسىم بولماعان جاعدايدا پروموۋتەرلىك ساۋدا جۇرگىزىلۋگە ءتيىس ەدى. وسى تۇستا GGG پروموۋتەرى توم لەففلەر ارادا تاعى ءبىر پروموۋتەرلىك ۇرىس وتۋىنە نەمەسە «كانەلومەن» شايقاستى كەيىنگە قالدىرۋعا جول بەرىلمەيتىنىن انىق بايقاتتى. ال سونىڭ الدىن مەكسيكالىق بىلعارى قولعاپ شەبەرى جەكپە-جەكتەن باس تارتسا, تيتۋلدان ايىرىلىپ, قازاقستاندىق تارلان WBC-ءتىڭ تولىققاندى چەمپيونى اتاناتىنى ايتىلعان.
دەگەنمەن, گولوۆكيننىڭ پروموۋتەرى مەكسيكالىق بوكسشىنىڭ باس تارتۋى ءوز جوسپارلارىنا وزگەرتۋ اكەلە المايتىنىن, شايقاس وتكىزۋدىڭ جولدارى ءبارىبىر قاراستىرىلا بەرەتىنىن جەتكىزدى. بۇل جاعدايعا بەلگىلى بوكس شەبەرى فلويد مەيۆەزەر ءسال باسقاشا باعا بەرىپ وتىر. ول «كانەلوعا» گولوۆكيننىڭ ەمەس, گولوۆكينگە «كانەلونىڭ» كەرەك ەكەنىن ايتادى.
شارشى الاڭداعى شايقاس جاعدايىنىڭ وزگەرىپ كەتۋىنە بايلانىستى قازىر قازاقستاندىق بوكسشىنىڭ جۋىق ارادا لانيەل دجەيكوبسپەن جەكپە-جەككە شىعاتىنى بەلگىلى بولدى.
رۋسلان يگىلىك