رۋحانيات • 06 جەلتوقسان, 2019
ءىليا جاقانوۆ: ەسترادا – باتىستىڭ مۋزىكالىق ەكسپانسياسى
اتىراۋ جاققا جول تۇسسە, امانداسپاي كەتپەيتىن ءبىر شاڭىراق بار. ول – ايگىلى كومپوزيتور, ونەر زەرتتەۋشىسى ءىليا جاقانوۆتىڭ ءۇيى. جارتى ساعاتتىق اڭگىمەسى جارتى عۇمىرىڭا تاتيتىن تاعىلىممەن ورنەكتەلەر ورەلى جان بۇل جولى دا ءبىزدى جادىراي قارسى الدى. ومىرلىك مۋزاسىنا اينالعان «مەڭدى قىز» – تيىش اپايعا ايتىپ, داستارقانىن جايناتىپ قويعان اقساقال الىستان كەلگەن قوناعىنا تورىمەن بىرگە, تۇشىمدى اڭگىمەسىن دە قاتار دايىنداپ وتىر ەكەن. وزىمسىنە ەركەلەي, كومپوزيتوردىڭ جارىعى مول تۇسەتىن كەڭ تەرەزەلى بالكونىنىڭ ءىشىن تۇتاس الا جاساقتالعان شىعارماشىلىق شەبەرحاناسىن بەتكە الدىق. بولمە ورتاسىن كولدەنەڭ كەسە ورنالاسقان كەنەپكە تۇسكەن ورال تاۋلارىنىڭ اسەم پەيزاجى بىردەن نازارىمىزدى وزىنە بۇردى. سۋرەتكە ۇڭىلە بەرگەنىمىز سول ەدى, اقساقال: «كارتينانى جاقىننان ەمەس, الىستان قاراۋ ءلازىم. سوندا سۇلۋلىعى تولىق اشىلادى», دەدى. اقىلعا قۇلاق استىق. راسىمەن دە, عاجاپ الەم! بەينەبىر تۇمسا تابيعاتتىڭ ورتاسىنا ەنىپ كەتكەندەي, سارايىمىز اشىلىپ, كوكىرەگىمىزدى كەرە دەم الدىق. ادەمى اسەرىمىزدى اعا ءايبات اڭگىمەسىمەن جالعاپ اكەتتى.
قازاقستان • 06 جەلتوقسان, 2019
«وكپەگە قيساڭ دا, ولىمگە قيمايسىڭ...»
«اداسقاننىڭ الدى – ءجون, ارتى – سوقپاق» ەكەنىن جات اعىمنىڭ جەتەگىندە كەتكەن وتانداستارىمىز ءالى دە بولسىن تۇيسىنە قويعان جوق. سولاي بولدى ەكەن دەپ ءوز ۇلىن وزەگىنەن تەپكەن ۇلت ەمەس ەدىك. قانداسىم دەسە قانىمىز ىسىپ, جانىمىز كۇيەدى. ەلدەن بەزسە دە ەمەشەگىمىز ەزىلىپ تۇرادى. ادامزاتتىڭ قارعىسىن ارقالاعان اتا-انادان بۇرىن, اق-قارانى اجىراتىپ ۇلگەرمەگەن ۇرپاعىنا الاڭدايسىڭ. يراك استاناسى باعداتتان وتانعا ورالعان 14 بالا سونىڭ دالەلى. ەرتەڭىنە ەنجارلىق تانىتپاعان ەلدىكتىڭ ەرەن ۇلگىسى دە – وسى!
پارلامەنت • 06 جەلتوقسان, 2019
ءماسليحاتتار مىندەتى جوعارىلاي تۇسەدى
ەلوردادا قازاقستان رەسپۋبليكاسى ءماسليحاتتارىنىڭ قۇرىلعانىنا 25 جىل تولۋىنا ارنالعان رەسپۋبليكالىق كونفەرەنتسيا ءوتتى. جيىن بارىسىندا حالىقتىڭ جاعدايىن جاقسارتۋ ءۇشىن جاسالاتىن قادامدار تالقىلانىپ, ءماسليحاتتار جۇمىسىن ودان ءارى جەتىلدىرۋ ماسەلەسى ءسوز بولدى.
قوعام • 06 جەلتوقسان, 2019
جولداردى توزدىرماۋعا ۋاقىت وزدىرماي كىرىسۋ قاجەت
جول – باستى يگىلىكتىڭ ءبىرى. تاڭمەن تالاسا تىنىمسىز تىرشىلىكتىڭ ۇرشىعىن يىرگەن ادام بالاسى ءۇشىن دۇربەلەڭ دۇنيەنىڭ قاي بۇرىشىندا جۇرسە دە باعدارشام بوپ باعىت سىلتەيتىن ۇشى-قيىرى جوق جولدار دا تاعدىر جولى سەكىلدى سان تاراۋ. جولاۋشىعا بۇل يگىلىكتىڭ تاقتايداي تەگىس بولعانى تابىس كىلتى عانا ەمەس, جاقسى ءومىردىڭ جارقىن كورىنىسى. ال دىتتەگەن مەجەڭە دىڭكەلەتىپ اپاراتىن شۇرق-تەسىك جولدار سارىلا كۇتكەن ساۋلەلى ساپارىڭنىڭ دا ءسانىن قاشىرادى. سوڭعى جىلدارى ەلىمىزدەگى جول ساپاسى قاي ساتىعا كوتەرىلدى؟ نە ۇتتىق, نەدەن ۇتىلدىق؟ سالادا قانداي پروبلەمالار بار؟
ايماقتار • 05 جەلتوقسان, 2019
بىرقاتار وبلىستا اۆتوجولدار جابىلدى
اۋا رايىنىڭ قولايسىزدىعىنا بايلانىستى بىرقاتار ءوڭىردىڭ اۆتوجولدارىندا كولىك قوزعالىسىنا تىيىم سالىندى. بۇل تۋرالى ءىىم توتەنشە جاعدايلار كوميتەتىنىڭ ءباسپاسوز قىزمەتى حابارلادى.
