تاريح • 29 قاراشا, 2023
اسەت اقىندى فوتوعا تۇسىرگەن كىم؟
قازاقتىڭ ءان ونەرىندە ايرىقشا ورنى بار تۇلعانىڭ ءبىرى – اسەت نايمانباي ۇلى. مۋزىكا ونەرىن زەرتتەۋشى, اكادەميك احمەت جۇبانوۆ 1963 جىلى جارىق كورگەن «زامانا بۇلبۇلدارى» اتتى مونوگرافياسىنىڭ 262-بەتىنە تاريحتا تۇڭعىش اسەت نايمانباي ۇلىنىڭ فوتوسىن جاريالاعان ەكەن. ودان كەيىن قازاق ادەبيەتىنىڭ بەلدى وكىلى, بالالار جازۋشىسى ساپارعالي بەگالين «مادەنيەت جانە تۇرمىس» جۋرنالىنىڭ 1977 جىلعى جەلتوقسان ايىنداعى سانىنا ء«انشى اسەت» اتتى ماقالاسىمەن بىرگە جوعارىداعى فوتونى ەكىنشى رەت جاڭعىرتىپ جاريالاپتى. قازىرگى تاڭدا جاپپاي قولدانىستا جۇرگەن اسەت اقىننىڭ فوتوسىنىڭ ءتۇپ نەگىزى وسى. بۇل كۇندەرى اقىن بەينەسى كومپيۋتەرلىك مۇمكىندىكتەر ارقىلى وڭدەلىپ, كوركەم تۇرلەندىرىلىپ تاراپ ءجۇر.
ونەر • 29 قاراشا, 2023
قازاق قىلقالام ونەرىنىڭ بۇگىنگى باستاۋىندا تۇرعان كوشباسشى تۇلعالارىنىڭ ءبىرى اماندوس اقاناەۆ بۋىرقانعان بويالار الەمىندە «كوشپەلىلەر جىلناماشىسى» اتانعان. زاماناۋي سۋرەت ونەرىندەگى ءتۇرلى تەحنيكانى ءبىر كەنەپتىڭ ۇستىندە ۇيلەسىمدى تۇيىستىرە بىلەتىن شەبەردىڭ شىعارماشىلىعى ۇلتتىق ناقىشقا باي بىرەگەي ستيلىمەن ەرەكشەلەنەدى.
تانىم • 29 قاراشا, 2023
اقتوبەدە عۇن ارحەولوگياسى ماسەلەلەرىنە ارنالعان «حالىقتاردىڭ ۇلى قونىس اۋدارۋى قارساڭىنداعى دالالىق تايپالار» اتتى حالىقارالىق عىلىمي-تاجىريبەلىك كونفەرەنيا ءوتتى. ءا.مارعۇلان اتىنداعى ارحەولوگيا ينستيتۋتى مەن اقتوبە وبلىسىنىڭ مادەنيەت, ارحيۆتەر جانە قۇجاتتاما باسقارماسى, وبلىستىق تاريحي-ولكەتانۋ مۋزەيى بىرلەسە ۇيىمداستىرعان جيىندا عۇن كەزەڭى تالقىلاندى. عۇندار ءداۋىرى – قازاقستان تاريحىنىڭ اقتاڭداعى, وسى كەزگە دەيىن تاريحشىلارىمىز سول زاماندى حالىقتاردىڭ ۇلى قونىس اۋدارۋ كەزەڭى دەپ جەتكىلىكتى زەرتتەمەي كەلدى. جىل ساناۋىمىزدىڭ العاشقى بەس عاسىرىندا قازاق دالاسىندا ساق-سارمات تايپالارىمەن بىرلەسە كۇشتى وداق قۇرىپ, قارا تەڭىز, كاۆكاز, قىرىمنان اسىپ, شىعىس ەۋروپاعا دەيىن يمپەريا قۇرعان عۇن تايپالارىنىڭ ەسكەرتكىشتەرى قازاق دالاسىنىڭ بارلىق ايماعىنان تابىلىپ جاتىر. سونىڭ الدىڭعى قاتارىندا اقتوبە وبلىسى ويىل اۋدانىنداعى سورلاقمولا وباسى مەن ماڭعىستاۋ وبلىسىنداعى عۇنداردىڭ قاراقاباق پورتى جانە التىنقازعان قونىستارى تۇر.
ادەبيەت • 29 قاراشا, 2023
«سىرتىم – ءبىر قوڭىر باعلان, ءىشىم – ءبىر كەكتى قابىلان. قابىلان ايبات شەگەدى, قابانعا ازۋ جانىعان. ءوز ءىشىن تانىپ-بىلمەگەن, وزگەنى قاشان تانىعان؟» (نەسىپبەك ايت ۇلى). بۇل جولداردا ءبارى ءوزىڭدى تانۋدان باستالاتىنىن مەڭزەپ قانا قويمايدى, بۇكىل جان دۇنيەسىنىڭ قارسىلىعىن ايگىلەيدى. ال ەگەر ىشىنە كەك قاتىپ اشىنسا, قابىلانىڭ المايتىنى جوق.
قوعام • 29 قاراشا, 2023
كەيدە وقىرماندار تاراپىنان: «جازۋشىلار بۇگىنگى ومىردەگى كورىنىستەردى, قوعامداعى قۇبىلىستاردى, جازعاننان گورى وتكەن تاريحي تۇلعالار, وقيعالار تۋرالى كوبىرەك قالام تەربەيدى», دەگەن پىكىردى ەستيمىز. ءبىر جاعىنان, بۇل پىكىردىڭ دە جانى بار. ويتكەنى وقىرمان شىعارمادان ءوز ءداۋىرىنىڭ بەينەسىن كورگىسى كەلەدى. بىراق ونى جازۋ وڭاي ەمەس. الايدا بۇگىنگى ادامداردىڭ جان-دۇنيەسىندە نە بولىپ جاتىر, ولاردىڭ قوعامعا, ومىرگە كوزقاراسى قانداي دەگەن ساۋالدارعا جاۋاپ بەرەتىن كوركەم تۋىندى جازىپ جۇرگەن جازۋشىلار دا جەتەرلىك. سونىڭ ءبىرى – قۋاندىق تۇمەنباي. قارىمدى قالامگەردىڭ كىتاپتارىمەن ەرتەدەن تانىس بولعاندىقتان با, ونىڭ كەز كەلگەن حيكاياتىندا بولسىن, شاعىن اڭگىمەسىندە بولسىن, سومدالعان كەيىپكەرلەر – كادىمگى ءوزىمىز كۇندە كورىپ جۇرگەن قاراپايىم ادامدار بەينەسى. سولاردىڭ باسىنان وتكەن مۇڭى مەن قايعىسى, قيىندىعى مەن قۋانىشى كوركەم شىندىقپەن ءورىلىپ, اق پاراققا مولدىرەپ تۇسە قالعان.
