ساياسات • 18 قىركۇيەك, 2025
حالىقارالىق عىلىمي-پراكتيكالىق كونفەرەنتسياعا قاتىستى
مەملەكەتتىك كەڭەسشى ەرلان قارين رەسەي فەدەراتسياسى التاي رەسپۋبليكاسىنىڭ گورنو-التايسك قالاسىندا ءوتىپ جاتقان «التاي – تۇركىلەردىڭ اتا قونىسى. تۇركى وركەنيەتىنىڭ قالىپتاسۋ تاريحى» اتتى ءىى حالىقارالىق عىلىمي-پراكتيكالىق كونفەرەنتسيا جۇمىسىنا قاتىستى. ءىس-شاراعا ازەربايجان, بەلارۋس, قازاقستان, قىرعىزستان, ماجارستان, موڭعوليا, رەسەي, تۇرىكمەنستان, وزبەكستان مەملەكەتتەرىنىڭ لينگۆيستەرى, ارحەولوگتەرى, التايتانۋشىلارى, تۇركولوگتەرى, تاريحشىلارى جينالدى.
قوعام • 17 قىركۇيەك, 2025
ەتنوسارالىق جۋرناليستيكا ماسەلەلەرى تالقىلاندى
«قازاق گازەتتەرى» سەرىكتەستىگىندە قازاقستان حالقى اسسامبلەياسى اكادەمياسىنىڭ «ەتنوساۋاتتىلىق جانە ەتنوسارالىق قاتىناستاردى باق-تا جاريالاۋ ماسەلەلەرى» اتتى وقۋ ءمودۋلىنىڭ اياسىندا جەتەكشى گازەت تىلشىلەرىمەن تاجىريبە الماسۋ جيىنى ءوتتى. سەرىكتەستىك ديرەكتورى ديحان قامزابەك ۇلى مودەراتورلىق ەتكەن باسقوسۋعا وڭىرلىك قحا جۋرناليستەر كلۋبتارىنىڭ توراعالارى مەن مۇشەلەرى, «قوعامدىق كەلىسىم» مەكەمەسىنىڭ ءباسپاسوز حاتشىلارى, دەپۋتاتتار مەن قحا مۇشەلەرى قاتىستى, دەپ حابارلايدى Egemen.kz.
ەكونوميكا • 17 قىركۇيەك, 2025
باستى مىندەت – اۋىل شارۋاشىلىعىندا تەرەڭ وڭدەۋ ءوندىرىسىن دامىتۋ
پرەزيدەنت قاسىم-جومارت توقاەۆ اقمولا وبلىسىنا جۇمىس ساپارىمەن باردى. پرەزيدەنت وڭىردەگى اگروونەركاسىپ كەشەنىنىڭ دامۋىمەن تانىسىپ, الەۋمەتتىك نىسانداردى ارالاپ كوردى. ساپار اياسىندا استىقتى وڭىرلەر اكىمدەرىنىڭ قاتىسۋىمەن ەگىن جيناۋ ناۋقانىنا ارنالعان كەڭەس ءوتتى.
ساياسات • 17 قىركۇيەك, 2025
جاھاندىق بەيبىتشىلىكتى بەكەمدەيتىن باستاما
الەمدىك جانە ءداستۇرلى دىندەر كوشباسشىلارىنىڭ VIII سەزى قارساڭىندا بەيبىتشىلىك جانە كەلىسىم سارايىندا سەزد حاتشىلىعىنىڭ XXIII وتىرىسى ءوتتى. وندا ورتاق ميسسياعا تابان تىرەگەن ءتۇرلى ءدىن وكىلدەرى الداعى VIII سەزگە جانە فورۋمنىڭ ىزگى نيەت ەلشىلەرىن سايلاۋعا قاتىستى ماسەلەلەردى تالقىلادى.
ءبىلىم • 17 قىركۇيەك, 2025
«Qazaq Digital Mektebi»: جاڭا داۋىردەگى ءبىلىم جۇيەسى
جاھاندى قىزىقتىرعان جاساندى ينتەللەكت قازىر بارلىق سالادا قارقىن الىپ كەلەدى. مەملەكەت باسشىسى بيىلعى جولداۋىندا بۇل باعىتتىڭ ءبىلىم بەرۋ جۇيەسىندە دە باسىمدىققا يە بولۋى قاجەتتىگىن اتاپ ءوتتى. «جاساندى ينتەللەكتىمەن جۇمىس ىستەۋ قۇزىرەتىن قالىپتاستىرۋ الدەقايدا ەرتە جاستان, ياعني مەكتەپ قابىرعاسىنان قولعا الىنۋعا ءتيىس. وسىعان وراي بىرقاتار باستامانى جۇزەگە اسىرعان ءجون. ەڭ الدىمەن, مەكتەپ وقۋشىلارىنا ارنالعان جاساندى ينتەللەكت نەگىزدەرى تۋرالى باعدارلاما جانە وقۋ ماتەريالدارىن ازىرلەۋ قاجەت. ۇستازداردىڭ جاساندى ينتەللەكت تەحنولوگياسىن مەڭگەرۋ داعدىسىن دا قالىپتاستىرۋ كەرەك بولادى. قاشىقتان وقىتۋ ءتاسىلى جانە جاساندى ينتەللەكت تەحنولوگياسى نەگىزىندە «Qazaq Digital Mektebi» اتتى شاعىن جيناقتى مەكتەپ ۇلگىسىن ازىرلەۋىمىز قاجەت. مۇنداي پلاتفورما اۋىلداعى وقۋشىلاردى ساپالى وقۋ تاسىلدەرىمەن قامتاماسىز ەتۋگە مۇمكىندىك بەرەدى», دەدى پرەزيدەنت. وسىعان وراي ءبىز ءبىلىم سالاسىنا جي-ءدى ەنگىزۋ, مۇعالىمدەردىڭ بىلىكتىلىگىن ارتتىرۋ, مامان دايارلاۋ جانە قاۋىپسىزدىك ماسەلەلەرى جونىندە سالا ماماندارىن اڭگىمەگە تارتقان ەدىك. وقۋ-اعارتۋ مينيسترلىگى ورتا ءبىلىم كوميتەتىنىڭ توراعاسى قانىبەك جۇماشەۆ, ى.التىنسارين اتىنداعى ۇلتتىق ءبىلىم اكادەمياسىنىڭ ديرەكتورى ءنازيپا ايۋباەۆا, ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى جاساندى ينتەللەكت كافەدراسىنىڭ مەڭگەرۋشىسى بيبىگۇل رازاحوۆا, جاساندى ينتەللەكتىنى دامىتۋ قاۋىمداستىعى توراعاسىنىڭ ورىنباسارى انار تولەۋباەۆا وزەكتى تاقىرىپ جونىندەگى ويلارىن ورتاعا سالدى.
