ەكونوميكا • 19 قاراشا, 2025
درونمەن مال باعىپ, GPS-پەن باقىلايدى
پرەزيدەنت قاسىم-جومارت توقاەۆ جاقىندا وتكەن اۋىل شارۋاشىلىعى ەڭبەككەرلەرىنىڭ ەكىنشى فورۋمىندا سالانى تسيفرلاندىرۋدىڭ ماڭىزى تۋرالى توقتالىپ, شىعىندى ازايتىپ, ونىمدىلىكتى ارتتىرۋ ءۇشىن جاڭا تەحنولوگيالاردىڭ مۇمكىندىگىن مەيلىنشە ءتيىمدى پايدالانۋ كەرەك ەكەنى تۋرالى ايتقان ەدى. بۇل باعىتتا ءبىرشاما ىلگەرىلەۋشىلىك بار. ماسەلەن, ارقانىڭ اگرارلىق سالاسى زاماناۋي قۇرال-جابدىقتارمەن تولىعىپ, جۇمىس جۇيەلەنە تۇسكەن. ايتالىق, مالشىلار بۇرىنعىداي جوعىن ىزدەپ, تاۋ-تاس كەزبەيدى. جىلقىسىنىڭ قاي توڭىرەكتە جۇرگەنىن ۇيالى تەلەفونىنان قاراپ, تەز تاۋىپ الادى. بۇل – سمارت-اگرو تەحنولوگيا اكەلگەن يگىلىك.
ءبىلىم • 19 قاراشا, 2025
جۇمىسشى ماماندىقتارىنىڭ الەۋەتى زور
ەلوردادا «جاستار رۋحى» جاستار قاناتىنىڭ ۇيىمداستىرۋىمەن «بولاشاقتىڭ جۇمىسشى ماماندىقتارى» فورۋمى ءوتتى. اۋقىمدى ءىس-شاراعا تەحنيكالىق جانە وندىرىستىك سالالارعا قىزىعۋشىلىق تانىتاتىن, كاسىبي ورلەگىسى كەلەتىن بەس جۇزدەن استام جاس قاتىستى. قاتىسۋشىلار سۇرانىسقا يە ماماندىقتار تۋرالى جان-جاقتى اقپارات الىپ, ساراپشىلاردىڭ كەڭەسىن تىڭدادى. سونداي-اق استاناداعى جەتەكشى جۇمىس بەرۋشىلەرمەن پىكىر الماسىپ, زاماناۋي ءوندىرىستىڭ قالاي جۇمىس ىستەيتىنىن ءوز كوزىمەن كوردى. مەملەكەت باسشىسى قاسىم-جومارت توقاەۆ وتكەن جىلعى جولداۋىندا 2025 جىلدى «جۇمىسشى ماماندىقتارى جىلى» دەپ جاريالاپ, جاستاردىڭ قىزىعۋشىلىعىن ارتتىرۋعا تاپسىرما بەرگەن. «وسى ۋاقىت ىشىندە تەحنيكالىق جانە كاسىبي ءبىلىم جۇيەسىن رەفورمالاۋ قاجەت. ءارى ءبىز جۇمىسشى ماماندىقتارىن دارىپتەۋ ارقىلى قوعامدا ەڭبەكقور جانە ناعىز مامان بولۋ يدەياسىن ناسيحاتتايمىز», دەگەن ەدى پرەزيدەنت. اتالعان ءىس-شارا وسى ماقساتتا ۇيىمداستىرىلىپ وتىر.
قوعام • 19 قاراشا, 2025
دارىگەرلەر مەن زاڭگەرلەر ءبىر قۇرامدا شالعاي اۋىلدارعا ناقتى كومەك كورسەتىپ ءجۇر
ەلدى مەكەندەردى ارالاپ جۇرگەن ارنايى پويىز ماماندارى بۇگىندە 104 اۋىلعا جەتىپ, 77 مىڭنان استام تۇرعىنعا تەگىن مەديتسينالىق جانە قۇقىقتىق كومەك كورسەتتى. حالىققا باعىتتالعان بۇل جوبا قازاقستان رەسپۋبليكاسى پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ, «Samruk-Kazyna Trust» قورى مەن دەنساۋلىق ساقتاۋ مينيسترلىگىنىڭ بىرلەسكەن سەرىكتەستىگى اياسىندا جۇزەگە اسىرىلىپ وتىر.
دەنساۋلىق • 19 قاراشا, 2025
ادام اعزاسى – ءوزارا تىعىز بايلانىسقان كۇردەلى جۇيە. سوندىقتان ينسۋلت ەشقاشان اياق استىنان پايدا بولا سالاتىن اۋرۋ ەمەس. كەيىنگى جىلدارى بۇل دەرتتىڭ جاسارىپ بارا جاتقانى بايقالادى. اسىرەسە 30–40 جاس ارالىعىنداعى ازاماتتار اراسىندا اۋىر گەمورراگيالىق ءينسۋلتتىڭ جيىلەۋى – جوعارى قان قىسىمىن ەلەمەۋدىڭ سالدارى ەكەنىن ماماندار تاراپىنان ءجيى ايتىپ ءجۇر.
قوعام • 19 قاراشا, 2025
ۇلت ساۋلىعى, ۇرپاق اماندىعى – مەملەكەتتىك ماسەلە. كەز كەلگەن ەل انا مەن بالا ساۋلىعىنا بەيجاي قارامايدى. رەسمي دەرەككە ۇڭىلسەك, ەلىمىزدە بىلتىر انا ءولىمى 12%-عا, نارەستە ءولىمى 11%-عا تومەندەگەن. بيىلعى توعىز ايدىڭ قورىتىندىسى بويىنشا انا ءولىمى 10%, نارەستە ءولىمى 26% تومەندەگەنى بايقالعان.
