زەردە • 12 قازان, 2023
تاۋەلسىز ەلىمىزدىڭ وتىز جىلدان اسقان تاريحي بەلەسىندە تالاي جازۋشى مەن ءجۋرناليستىڭ تۋىندىلارىن وقىپ, جاقىنىراق تانىستىم. بيلىك باسىندا جۇرگەنىمدە ولارمەن ءجيى كەزدەسىپ, تالاي وزەكتى ماقالالاردى بىرگە جازدىق. ويتكەنى قازاق ءباسپاسوزىنىڭ قاراشاڭىراعى ««ەگەمەن قازاقستان» گازەتى, «قازاق ادەبيەتى», رەسپۋبليكاعا تانىمالى «زاڭ گازەتى», «ايقىن گازەتى», وزگە دە بەلدى-بەلدى ءباسپاسوز ورىندارىنىڭ سۇراۋى بويىنشا زاڭ سالاسىنا بايلانىستى, قۇقىقتىق تاقىرىپتار مەن سوت ىستەرىنە قاتىستى ءجيى-ءجيى ماقالا جازۋىما تۋرا كەلەتىن.
تۇلعا • 12 قازان, 2023
«جات جۇرتقا جاراتىلعان» دەسە دە, قىز شىركىننىڭ ەسى-دەرتى ەل جاقتا بولاتىنى ايەل زاتىنىڭ بارىنە ايان. ونى ءوزىم دە باستان كەشكەنمىن.
مادەنيەت • 12 قازان, 2023
جاقىندا الماتىدا «كەشە, بۇگىن, ەرتەڭ: تۇركى مادەنيەتىنىڭ ساۋلەت جانە كوركەم ەسكەرتكىشتەرى» اتتى جالپى اتاۋمەن بىرنەشە حالىقارالىق جوبانىڭ تۇساۋكەسەر ءراسىمى ءوتىپ, ول رۋحانيات ءورىسىنىڭ كەڭەيۋىندە ماڭىزى بار يگىلىكتى باستاما رەتىندە زيالىلار ورتاسىندا قولداۋ تاپتى. ەلىمىزدىڭ ۇلتتىق ءداستۇرىن ساقتاۋ جانە ىلگەرىلەتۋ ىسىنە ءوز ۇلەسىن قوسۋ ماقساتىن كوزدەگەن اۋقىمدى ءىس-شارا بەلگىلى اقىن, مەملەكەت جانە قوعام قايراتكەرى, قازاقستاننىڭ ەڭبەك ەرى ولجاس سۇلەيمەنوۆتىڭ قولداۋىمەن يۋنەسكو جانىنداعى مادەنيەتتەردى جاقىنداستىرۋ حالىقارالىق ورتالىعىندا ءوتتى.
ونەر • 12 قازان, 2023
ول ءمۇسىن جاساۋعا بالا كەزىنەن قۇمارتتى. سودان بەرى قولى سازدان ارىلعان جوق. ءار ءمۇسىنىن اياقتاعان سايىن بۇل ونەردىڭ قىر-سىرىن ەندى تانىعانداي, شەبەرلىگىن شىڭداپ كەلەدى. وزىندىك كوزقاراسى مەن تالعامى تۋىندىلارىنان كورىنىپ-اق تۇرادى: الاششىلدار, زيالىلار, تۇلعالار... ول تالاي مارتە جاساپ وتىرعان ءمۇسىنىن بۇزىپ, قايتا سوعىپتى. ويىنداعى سول ءبىر بەينە, سول مىنەز ءوز دەڭگەيىنە جەتكەنشە شەبەرحانادان شىقپايدى. جۇمىسىنا, ەڭ الدىمەن, ونەر دەپ قارايدى. ءار جاڭا ءمۇسىنى كورگەن كوزدى دە قۋانتادى. ول جالاقىسى كوپ قىزمەتتى تاستاپ, تۋعان جەرىنە ورالىپ, تۋعان توپىراعىنىڭ تۇلعالارىن جاڭعىرتىپ ءجۇر. سەمەيدەگى ەل پرەزيدەنتى قاسىم-جومارت توقاەۆ ارنايى بارىپ اشقان اباي مەن ۇلدارىنىڭ, مۇحتار اۋەزوۆ پەن قايىم مۇحامەدحانوۆتىڭ, استاناداعى قالامگەرلەر اللەياسىنا قويىلعان الاش ارىستارى – ءاليحان, احمەت, مىرجاقىپقا ارنالعان مەموريالدىڭ دا اۆتورى سول شەبەر. ءبىزدىڭ كەيىپكەرىمىز – «سەمەي-قولا» مۇسىندىك قۇيۋ ءوندىرىسىنىڭ ديرەكتورى, سۋرەتشى-ءمۇسىنشى نۇربول قاليەۆ.
پوەزيا • 12 قازان, 2023
قوڭىر كۇز كەلگەن سايىن كوڭىلدى ءمولدىر مۇڭ باسادى. جاز بويى كوك شالعىنعا كومكەرىلگەن دالا اجارىنان ءار تايعانداي قۋاڭ تارتا تۇسكەن. جاپ-جاسىل جاپىراقتارىنان ايىرىلعان اعاشتار دىمكاس جانداي جۇدەۋ. كۇزگى اسپاننىڭ قاباعى دا تاماق ىشپەگەن ادامداي ءجيى قاتۋلانىپ, ارا-تۇرا بۇركىپ الادى. وسىنداي سۇرەڭسىز كورىنىستەردى كورىپ, ادامدى كوڭىلسىزدىك باسادى. ومىردە قىزى ۇزاتىلىپ, قىزىعى تارقاعان اۋىل سەكىلدى تىم جۇتاڭ ورىنەدى. ونىڭ ۇستىنە كۇن قىسقارىپ, ءتۇن ۇزارا باستايدى. كەيدە سونداي ۇزاق ءتۇننىڭ ءبىر ۋاعىندا شىرت ۇيقىڭنان ويانىپ كەتىپ, كوز ىلە الماي باقىرايىپ جاتاسىڭ. تاڭ اعارىپ اتىپ بولمايدى. ۇيقىڭ قاشىپ كەتكەننەن كەيىن نەشە ءتۇرلى وي يەكتەپ الادى.
