سەنات • 20 قازان, 2023
حالىقارالىق قارجى ۇيىمى قۇرىلادى
سەنات سپيكەرى ماۋلەن اشىمباەۆتىڭ توراعالىعىمەن پالاتا وتىرىسى ءوتىپ, سەناتورلار ەۋرازيالىق قايتا ساقتاندىرۋ كومپانياسىن قۇرۋ تۋرالى كەلىسىمدى راتيفيكاتسيالادى جانە دەپۋتاتتىق ساۋالدارىن جولدادى.
فورۋم • 20 قازان, 2023
سالماقتى ويلار مەن سىندارلى پىكىرلەر الاڭى
«ادىلەتتى قازاقستان: ءبارىمىز جانە ارقايسىسىمىز ءۇشىن – ازاماتتىق قوعام دامۋىنىڭ باستى باعىتى» اتتى ازاماتتىق فورۋمنىڭ ەكىنشى كۇنى پلەنارلىق وتىرىسپەن باستالدى. جيىن بارىسىندا مەملەكەت باسشىسى قاسىم-جومارت توقاەۆتىڭ ۇندەۋى وقىلدى. ءىس-شاراعا ءماجىلىس توراعاسى ەرلان قوشانوۆ, مادەنيەت جانە اقپارات ءمينيسترى ايدا بالاەۆا قاتىستى.
ادەبيەت • 19 قازان, 2023
كوكتەمدە قار سۋى قايتا, جىلقىنىڭ جونى كۇنگە ءبىر قىزىپ, ءتىسىن كوككە ەندى قاداي بەرگەندە جەلقۇرساق ايعىر مىنگەندەر جاقسى بىلەدى. جانۋار جاي تۇرعاندا قالاي بيلەپ, ءبىر قىرىنداپ جۇرەتىنىن. باسىن قاقشيتا قۇلاعىن تىگىپ العان بەستى ايعىر جۇرمەي-اق ءتورت اياعىنان بيلەپ بارا جاتادى. ونىڭ شوق باسقانداي الشىسىنان تۇسكەن, ءتۇسىپ وتىرعان اياق الىسىنان ارىنىن سەزەرگە كەرەك. مىنگەن بويدا تۋلاپ الا جونەلگەن شۋ اساۋ تاي-قۇناننىڭ ءارى-بەرى تارتقانى جاي دەلبەڭباي بولىپ قالادى. مەيلى, شۋ اساۋ بولسا دا. ال كىسىنەسە دەمى وكپە-باۋىرىن, جۇرەگىمەن قوسا سىرتقا اتىپ جىبەرەردەي الگى بەستى ايعىردىڭ ورنىنان قوزعالىپ كەتكەنىنىڭ ءوزى جەر تەڭسەلىپ كەتكەندەي اسەر ەتەدى. ونى ۇستاپ, تىزگىندەپ وتىرۋدا وڭاي ەمەس. تۋرا سول سياقتى اسەردى شىعارما وقىعاندا دا بايقاۋعا بولادى. الىپتاردىڭ كەسەك تۋىندىلارى وقي باستاعاندا ءتورت اياعىن تەڭ باسقان تارلانداي ارنالانىپ, جانىڭدى ۇلى باستاۋلارعا الا جونەلەدى. تاۋ تەڭسەلىپ كەتكەندەي, جەر قوزعالىپ, جازىق اعىپ, قۇم كوشىپ بارا جاتقانداي. جازدىگۇنى كوز ۇشىنداعى تاۋلاردى ساعىم كوتەرىپ اكەتكەندەي, تۇرا-تۇرا زەرىككەن دۇنيە ءبىر ساتتە قوزعالا بارادى. سولاردىڭ اراسىنان ارنا تاۋىپ عۇمىرلار كوشەدى. داۋىرلەر قۇلاعىن قىلتيتىپ, عاسىرلاردىڭ جۇگى سىز بەرەدى.
تۇلعا • 19 قازان, 2023
كورنەكتى عالىم زەينوللا قابدولوۆ: «تاحاۋي احتانوۆ كىم؟» دەگەن سۇراققا «ۇلكەن ۇشەۋ – «قاھارلى كۇندەر», «بوران», «شىراعىڭ سونبەسىن», دەپ جاۋاپ بەرىپتى. ەكىنشى دۇنيەجۇزىلىك سوعىستان كەيىن ادەبيەتكە كەلگەن جازۋشىلاردىڭ ىشىنەن الدىمەن اۋىزعا تاحاۋي احتانوۆتىڭ ەسىمى ىلىنەدى. ول ادەبيەت ەسىگىن ءوزىنىڭ كەيبىر قاتارلاستارى سەكىلدى قاعىپ كىرگەن جوق, ەركىن اشىپ, ءاپ دەگەننەن ءوز ورنىن يەلەندى.
ادەبيەت • 19 قازان, 2023
بيىل عاسىرلىق تويى اتاپ ءوتىلىپ جاتقان كورنەكتى جازۋشى تاحاۋي احتانوۆتىڭ «قاھارلى كۇندەردەگى» اتاققۇمار ءۋاليدى, «ماحاببات مۇڭىنداعى» جاۋاپسىز نيازدى, «بورانداعى» ادىلەتسىز قاسبولاتتى, جاۋىز بەلسەندى جاپپاسبايدى بىلمەيتىن وقىرمان كەمدە-كەم. بۇل كەيىپكەرلەردىڭ ءبارى دە سىنشىل سۋرەتكەردىڭ تۋىندىلارىنداعى ءومىر شىندىعىنىڭ قاراما-قايشىلىقتى سيپاتىن بەرەدى. سول ۋاقىتتىڭ اقيقاتى مەن جالعانىن, سول قوعامنىڭ داڭقى مەن داقپىرتىن, دەرتىن كورسەتەدى. سويتە تۇرا اۆتور قالامى ليريكالىق سىرشىلدىق سارىننان دا الىس ەمەس. ءتىپتى جازۋشىنىڭ ادام جانىنىڭ تەرەڭ يىرىمدەرىنە ءۇڭىلىپ, ءۇمىتى مەن وكىنىشىن, سەزىمى مەن اسەرىن قوزعايتىن كەي شىعارمالارىن كوپ جۇرت بىلە بەرمەيدى. سوناۋ 1960 جىلى جازىلعان شاپ-شاعىن «ول سولاي ەدى» اڭگىمەسى دە وقىرمانعا بەيمالىم بولۋى مۇمكىن.
