ونەر • 06 قىركۇيەك, 2023
استاناداعى ۇلتتىق مۋزەيدە كورەي سۋرەتشىسى – يلليۋستراتورى ۋ نايوننىڭ «ۋ نايونمەن قازاقستاندا كەزدەسۋ: ەرتەگىلەردەگى حانبوك» اتتى تاماشا كورمەسى اشىلدى. كورمە بولعاندا قانداي, اۋزىڭدى اشىپ, كوزىڭدى جۇماسىڭ. بۇل مازمۇندى ءىس-شارا ىرگەلى ەكى ەل اراسىنداعى مادەني الماسۋ جىلى اياسىندا ۇيىمداستىرىلدى. وعان قازاقستانداعى كورەيا رەسپۋبليكاسى ەلشىلىگىنىڭ كورەي مادەني ورتالىعى مۇرىندىق بولدى.
سۇحبات • 17 شىلدە, 2023
راحمەتقاجى بەرسىمباي: الەم عالىمدارى ادام جاسۋشاسىن ءوسىرىپ, ورگانداردى جاڭالايتىن دەڭگەيگە جەتتى
كورنەكتى عالىم, كلەتكالى بيولوگيا جانە بيوتەحنولوگيا عىلىمي-زەرتتەۋ ينستيتۋتىنىڭ ديرەكتورى راحمەتقاجى بەرسىمباي ەسىمى ەلىمىزگە عانا ەمەس, شەت مەملەكەتتەرگە دە جاقسى تانىس. جاقىندا ايتۋلى اكادەميكپەن كەزدەسىپ, الەمدىك جانە وتاندىق گەنەتيكا عىلىمى تۋرالى از-كەم اڭگىمەلەستىك.
سۇحبات • 16 ماۋسىم, 2023
عىلىمدى كوتەرۋ ءۇشىن عالىمعا جاعداي تۋعىزۋ كەرەك
قازىر عىلىم كوز ىلەسپەس جىلدامدىقپەن دامىپ بارادى. سونىڭ ناتيجەسىندە ادام تاڭعالارلىق جاڭالىقتار اشىلىپ جاتىر. ءبىزدىڭ ەلدە دە كەيىنگى جىلدارى عىلىمعا ايرىقشا نازار اۋدارىلا باستادى. بولاشاقتا عىلىم قالاي داميدى, قايدا باعىت الادى؟ جاڭا تەحنولوگيالاردىڭ مۇمكىندىگى قانداي؟ مىنە, وسىنداي سان ساۋالدى جاقىندا تۇركيادان اتاجۇرتقا ىسساپارمەن كەلگەن عالىم ابدىۋاقاپ قاراعا قويعان ەدىك.
تاربيە • 23 مامىر, 2023
ۇرپاقتى ۇلتتىق تاربيەگە قالاي باۋليمىز؟
بۇرىن تاربيە مەن ءبىلىم ەگىز دەۋشى ەدىك. قازىر سول ەگىزدىڭ سىڭارىنىڭ ءبىرى دارىپتەلىپ, ەكىنشىسى كوپ ايتىلا بەرمەيدى. شىن مانىندە, تاربيە – ىزگى دۇنيەنىڭ باستاۋى. سونىڭ ىزىمەن ءبىلىم مەن عىلىم جۇرسە, قوعامدا ادىلدىك ورناپ, ادامگەرشىلىك بايراعى جەلبىرەيدى.حالقىمىز «تاربيە تابالدىرىقتان باستالادى» دەپ بەكەر ايتپاعان. تاربيەنىڭ نەگىزى وتباسىندا قالىپتاسادى. وتباسىندا ۇلتتىق تاربيەنىڭ قاينارىنا قانىپ وسكەن بالانىڭ بولاشاعى دا زور. وعان كوپتەگەن مىسال كەلتىرۋگە بولادى. ودان كەيىن مەكتەپتەگى تاربيەنىڭ ورنى بولەك. قازىر ءبىز وسى ەكى تاراپتاعى تاربيەنى بوساڭسىتىپ الدىق. سان عاسىر بويى قالىپتاسقان ۇلتتىق تاربيەدەن دە اجىراپ بارامىز. سونىڭ كەسىرىنەن قوعامدا جەتكىنشەكتەر اراسىندا ءتۇرلى كەلەڭسىز جاعداي بولىپ ءجۇر. ارينە, بالا تاربيەسىنىڭ جاۋاپكەرشىلىگى وتە جوعارى. وسى تاقىرىپقا ارنايى دوڭگەلەك ۇستەل ۇيىمداستىردىق. وعان «قاراشاڭىراق» ۇلتتىق تاربيە مەكتەبىنىڭ جەتەكشىسى تۇرار شاكەن, وقۋ-اعارتۋ مينيسترلىگى تاربيە جۇمىسى جانە قوسىمشا ءبىلىم بەرۋ دەپارتامەنتىنىڭ باس ساراپشىسى اقتوتى كەمالوۆا, س.سەيفۋللين اتىنداعى قازاق اگروتەحنيكالىق عىلىمي زەرتتەۋ ۋنيۆەرسيتەتىنىڭ كافەدرا مەڭگەرۋشىسى, پەداگوگيكا عىلىمدارىنىڭ كانديداتى, دوتسەنت مارال ەسەكەشوۆا, قىزىلوردا وبلىسى سىرداريا اۋدانىنداعى №126 ورتا مەكتەپ ديرەكتورىنىڭ تاربيە ءىسى جونىندەگى ورىنباسارى سامات ءجۇمادىل جانە «ونلاين وتباسى» اكادەمياسىنىڭ نەگىزىن قالاۋشى, كاسىبي وتباسىلىق پسيحولوگ ەرجان مىرزاباەۆ قاتىسىپ, وي ءبولىستى.
رۋحانيات • 17 مامىر, 2023
ادامدى كەيدە سان-ساۋال جان-جاقتان قارماپ, تۇڭعيىق ويعا باتىرادى. اسىرەسە ء«ومىردىڭ ءمانى نەدە؟» دەگەن سۇراققا كەلگەندە تۇيىققا تىرەلگەندەي كۇي كەشەسىز. جالپى, بۇعان ءار ادام ءتۇرلى جاۋاپ بەرەدى. شىنىندا, ءومىردىڭ ءمانى نە؟ بۇعان ءبىز جاۋاپتى جازۋشى بەگابات ۇزاقوۆتىڭ «امانات» اتتى اڭگىمەسىن وقىعاندا تاپقانداي بولدىق. باس-اياعى جيناقى جازىلعان شاعىن اڭگىمەدە قازاقى تانىمعا بەرىك قاريا ءومىرىنىڭ جالعاسى – نەمەرەسىنە بويىنداعى بار قازىناسىن امانات ەتىپ كەتسەم دەيدى.
ءبىلىم • 28 ءساۋىر, 2023
«نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمىندا «ساباقتى زەرتتەۋ: رەفلەكسيۆتى تاجىريبەدەن تۇراقتى كوشباسشىلىققا» اتتى ءى ۇلتتىق كونفەرەنتسيا ءوتتى. مازمۇندى شاراعا شەتەلدىك عالىمدار, ساراپشىلار جانە ەلىمىزدىڭ بارلىق وڭىرىنەن كەلگەن 500-دەن اسا مۇعالىم قاتىستى. ولار ەلىمىزدە 2012 جىلدان بەرى جۇيەلى جۇرگىزىلىپ كەلە جاتقان Lesson Study ءادىسىنىڭ ءتيىمدى تۇستارى مەن جەتىستىكتەرىن تالدادى.
سۇحبات • 16 ءساۋىر, 2023
جانىبەك ورازالى: مۋلتفيلم – كەلەشەككە قۇيىلعان ينۆەستيتسيا
بىلتىر «قازاقفيلم» كينوستۋدياسى جانىنان «قازاقانيماتسيا» شىعارماشىلىق بىرلەستىگى قۇرىلدى. بۇل ۇلتتىق انيماتسيانى دامىتۋ جولىنداعى شىعارماشىلىق ۇيىمدارعا تىڭ سەرپىن بەردى. قازاق انيماتسياسىنىڭ ىرگەتاسىن كورنەكتى كينورەجيسسەر, پروفەسسور, قازاقستاننىڭ ەڭبەك سىڭىرگەن قايراتكەرى امەن قايدار قالاعانىن بىلەمىز. بيىل ارداقتى تۇلعانىڭ تۋعانىنا 100 جىل تولادى. سوعان وراي جاقىندا «قازاقانيماتسيا» شىعارماشىلىق بىرلەستىگىنىڭ جەتەكشىسى, رەجيسسەر جانىبەك ورازالىمەن ۇلتتىق انيماتسيانىڭ دامۋى جانە وسى سالاعا قاتىستى وزەكتى ماسەلەلەر تۋرالى اڭگىمەلەسكەن ەدىك.
ءبىلىم • 14 ءساۋىر, 2023
وقۋلىق ساپاسىن قالاي جاقسارتامىز؟
مەكتەپتەگى وقۋلىق ماسەلەسى وزەكتى تاقىرىپقا اينالعالى قاشان. ونىڭ سەبەبى دە جوق ەمەس. كەيىنگى وتىز جىلدا ءبىلىم بەرۋ سالاسى ءتۇرلى رەفورمادان كوز اشپادى. سىناق الاڭىنا اينالدى دەسە دە بولادى. سونىڭ ءبىر ۇشى وقۋلىققا دا اسەر ەتتى. سانامەن بىرگە وقۋلىق تا سان مارتە وزگەرىسكە ۇشىرادى. وسىدان ەكى جىل بۇرىن مەملەكەت باسشىسى قاسىم-جومارت توقاەۆ ۇلتتىق قوعامدىق سەنىم كەڭەسىنىڭ ءۇشىنشى وتىرىسىندا ءبىلىم سالاسىنداعى رەفورمالارعا توقتالىپ, وقۋلىق ساپاسىنىڭ تومەندىگىن ايتىپ, ماسەلە كوتەرگەنى دە ەسىمىزدە. بۇرىن ەلىمىزدە وقۋلىق جازۋدىڭ وزىندىك مەكتەبى بولعانىن بىلەمىز. ونىڭ باسىندا ايتۋلى عالىمدار, بىلىكتى ماماندار تۇردى. سولاردىڭ جازعان وقۋلىقتارىمەن قانشاما ۇرپاق ءبىلىم الىپ, ارمان جولىنا قانات قاقتى. قازىر سول ءبىر قالىپتاسقان مەكتەپتەگى ساباقتاستىق ءۇزىلىپ قالدى ما؟ الدە ۋاقىت تالابىنا ساي وقۋلىق جازۋ كۇردەلەنە ءتۇستى مە؟ اۆتورلاردىڭ بىلىكتىلىگى قانداي؟ وسىنداي سان ساۋال ءبىزدى عانا ەمەس, وقىرماندارىمىزدى دا ويلاندىرادى. سوندىقتان وسى ءبىر ماڭىزدى ماسەلەنى تالقىلاۋ ءۇشىن رەسپۋبليكالىق عىلىمي-پراكتيكالىق ءبىلىم مازمۇنىن ساراپتاۋ ورتالىعىنىڭ ديرەكتورى ەلدوس نۇرلانوۆ, جازۋشى, فيلولوگيا عىلىمدارىنىڭ دوكتورى نۇرداۋلەت اقىش, استانا قالاسىنداعى №27 مەكتەپ-ليتسەيىنىڭ قازاق ءتىلى مەن ادەبيەتى ءپانىنىڭ مۇعالىمى ءمانسيا ماكاەۆا جانە گەوگرافيا عىلىمدارىنىڭ دوكتورى, پروفەسسور, ى.التىنسارين اتىنداعى ۇلتتىق ءبىلىم اكادەمياسىنىڭ باس عىلىمي قىزمەتكەرى وردەنبەك مازباەۆتى دوڭگەلەك ۇستەل باسىنا شاقىردىق.
جادىگەر • 11 ءساۋىر, 2023
اباي وبلىسىنداعى ەلەكە سازى قورعانى ەجەلگى ساق داۋىرىنەن ساقتالىپ قالعان كيەلى ورىن. ءبىراز جىلدان بەرى تاريح عىلىمدارىنىڭ دوكتورى, پروفەسسور زەينوللا ساماشەۆ باستاعان عالىمدار وسى قورعانعا ارحەولوگيالىق قازبا جۇمىسىن جۇرگىزىپ, تاريحىمىزدى ودان ءارى تەرەڭ تانۋعا تىڭ جاڭالىق قوستى. بەلگىلى ارحەولوگپەن بولعان بۇگىنگى سۇحباتىمىزدى وسى تاقىرىپتا وربىتتىك.
عىلىم • 11 ءساۋىر, 2023
جاپونيا دەسە ەلەڭ ەتپەيتىن جان جوق. تىنىق مۇحيت جاعاسىنا قونىس تەپكەن كۇنشىعىس ەلىنىڭ قانداي تىلسىم سيقىرى بار ەكەنىنە تاڭعالاسىز. بۇل ەل بىزگە دە بوتەن ەمەس. وتكەن عاسىر باسىندا الاش ارداقتىلارى جاپون جۇرتىنىڭ داۋىرلىك جاڭارۋى مەن جاڭعىرۋىن ۇلگى ەتىپ, ماقالا جازدى. ءتىلى مەن داستۇرىنە, ءدىلى مەن دىنىنە بەرىك ەلدى دارىپتەدى.
