ايماقتار • 07 قازان, 2024
سەمەي – وتكەن عاسىردىڭ باسىنان باستاپ قازاق زيالىلارى باس بىرىكتىرگەن تاريحي مەكەن. مۇندا ازاتتىقتىڭ العىشارتى العا قويىلىپ, تاۋەلسىزدىكتىڭ تۇعىرى دا وسىندا بەكىدى. سەمەي قالاسىنىڭ سول جاعالاۋى جاڭا سەمەي بولىگى الاش قالاسى اتالىپ, ۇلت قايراتكەرلەرى باس قوساتىن عيماراتتار ساپ قۇرادى. الاش قالاسىنداعى تاريحي عيماراتتار مەن تۇرپاتى بولەك تۇلعالارعا قاتىستى ورىندار جەتەرلىك. سولاردىڭ ءبىرى – وسى وڭىردە العاش اشىلعان تۇڭعىش قازاق مەكتەبى, بۇگىندە شاكارىم بابا ەسىمىن يەلەنگەن كوپبەيىندى №5 گيمنازيا.
ايماقتار • 02 قازان, 2024
سەمەي قالاسىندا اشىلعان مۇعالىمدەر سەمينارياسى – مۇحتار, جۇسىپبەك, قانىش, تاعى باسقا الاشتىڭ ايبوزدارى وقىعان ورىن. تاريحي وقۋ وردانىڭ قۇرىلعانىنا بيىل – 120 جىل. وبلىس ورتالىعىندا مۇحتار اۋەزوۆ اتىنداعى پەداگوگيكالىق كوللەدجىنىڭ مەرەيتويى اتالىپ ءوتىپ, حالىقارالىق عىلىمي-تاجىريبەلىك كونفەرەنتسيامەن جالعاستى. ايتۋلى باسقوسۋدا وقۋ ورداسىنىڭ تەرەڭ تاريحى, جەتكەن جەتىستىكتەرى جانە بولاشاقتاعى باعىتىن باعدارلايتىن ماسەلەلەر تالقىلاندى.
تالبەسىك • 01 قازان, 2024
مەملەكەت باسشىسى بيىلعى جولداۋىندا: «ەكولوگيالىق احۋالدى جاقسارتۋ – الدىمىزدا تۇرعان نەگىزگى مىندەتتىڭ ءبىرى. ءبىز قوعامدا قورشاعان ورتانى قورعاۋدىڭ ءمان-ماڭىزىن كەڭىنەن دارىپتەۋىمىز كەرەك. «سەمەي ورمانى» ءواياسىندا ورمان تۇقىم باعى بار. بۇل – ورتالىق ازياداعى حالىقارالىق وزىق تالاپتارعا ساي كوشەت وسىرەتىن بىردەن-ءبىر كەشەن. وسى جوبانى باسقا دا ورماندى ايماقتاردا جۇزەگە اسىرعان ابزال», دەگەن ەدى.
ايماقتار • 26 قىركۇيەك, 2024
سەمەي قالاسى كۇنىنە وراي وبلىس ورتالىعىنا قاراستى تسەمەنتشىلەر كەنتىندە پاتەر كەزەگىندە تۇرعان الەۋمەتتىك وسال توپ ساناتىنداعى 20 وتباسىنا پاتەر كىلتى تابىستالدى. كوپبالالى وتباسىلار, ەرەكشە قاجەتتىلىگى بار ازاماتتار, اتا-انا قامقورلىعىنسىز قالعان بالالار سوڭعى ۇلگىدە سالىنعان باسپاناعا قول جەتكىزدى. ۇيدە مۇمكىندىگى شەكتەۋلى جانداردىڭ كىرىپ-شىعۋىنا قولايلى جاعداي جاسالعان.
ادەبيەت • 20 قىركۇيەك, 2024
وتكەن عاسىردىڭ 70-جىلدارى جازۋشى تۇرسىن جۇرتباي «زامانداسىم, سىرلاسىم», «قوڭىر قاز», «جۇرەگىمدە جۇمىر جەر» اتتى وقشاۋ دۇنيەلەرىن وقىرماننىڭ تانىم تارازىسىنا تارتىپ, ادەبي الەمگە اياق باستى. ەڭ العاش قالامىنان تۋعان دۇنيەلەرىنەن-اق ايقىن قولتاڭباسى, بولەك سوقپاعى تانىلدى. جازۋشى ءوزىن كوركەم دۇنيەمەن ەرتە «قوشتاستىم» دەپ وكىنىش بىلدىرەتىنى راس. الايدا ونىڭ وسىناۋ شىعارمالارى كولەمىمەن دە, كوركەمدىگىمەن دە كوسىلىپ جازعانداردان كوش ىلگەرى ەكەنىن ويلى وقىرماننىڭ باعامدارى كۇمانسىز.
جادىگەر • 20 قىركۇيەك, 2024
اساتاياق – قازاق حالقىنىڭ ەجەلگى مۋزىكالىق اسپابى. اساتاياقتى ەرتەدە بالگەرلەر مەن باقسىلار قولدانعان. ادەتتە, ولار اساتاياقتى قىلقوبىز بەن داڭعىرانىڭ ۇنىنە قوسا قولداناتىن بولعان. ولار اساتاياقتى ىرعاقتاتىپ, سىلكىپ, شايقاپ وينايدى. اساتاياق ەمەن, ۇيەڭكى, قايىڭ, دولانا سەكىلدى قاتتى اعاشتاردان جاسالادى. بەتىنە ءارتۇرلى سىلدىر-كۇلدىر, شۋلى دىبىس بەرەتىن تەمىر سالپىنشاق, ساقينا, شىعىرشىق تاعىلادى. اساتاياق تۋرالى شوقان ءۋاليحانوۆ پەن بەلگىلى زەرتتەۋشى بولات سارىباەۆتىڭ ەڭبەكتەرىندە جازىلعان.
قوعام • 20 قىركۇيەك, 2024
«كوشپەلىلەر الگەبراسىنىڭ» العىرى
كەڭ-بايتاق قازاق دالاسى – ەلدىك پەن ەرلىكتىڭ عانا ەمەس, وزىق سالت-ءداستۇر مەن مارتەبەلى ءھام ءورىستى ونەر مەكەنى. حالقىمىزدىڭ قوي باعىپ, قويمەن بىرگە وي باعىپ جۇرگەنىنىڭ تاعى دا ءبىر جارقىن ۇلگىسى, ۇلتتىق بىرەگەي ويىن ءتۇرى سانالاتىن توعىزقۇمالاقتىڭ تاريحى تىم تەرەڭنەن تامىر تارتادى. العىرلىق پەن تاپقىرلىقتى تالاپ ەتەتىن ويىن كەم دەگەندە 4000 جىل بۇرىن پايدا بولعان. باعزىداعى بابالار وسيەتى كەلەر ۇرپاقتى قۋات-كۇشىنىڭ مىقتىلىعىمەن سىناپ قانا قويماي, كوڭىل كوزىنىڭ كورەگەن بولۋىنا, اقىل-پاراساتىمەن كوپ نارسەنى پايىمداۋىنا ۇلكەن ءمان بەرگەن.
قوعام • 18 قىركۇيەك, 2024
اباي وبلىسىندا جاڭادان قۇرىلعان ماقانشى مەن جاڭاسەمەي اۋداندارى كۇن ساناپ كوركەيىپ, وڭ وزگەرىستەرگە بەت الىپ بارادى. وسى ەكى اۋداننىڭ ىشىندە شالعايداعى ماقانشى اۋدانىنىڭ ءجونى بولەك. تۋريزم نىسانى ايدىندى الاكول مەن ەلىمىزدىڭ شىعىسىنداعى الپاۋىت كورشىمىز قىتايمەن شەكتەسەتىن تۇسى دا وسى اۋدان. مەملەكەت باسشىسىنىڭ پارمەنىمەن قۇرىلعان وبلىستاعى بۇل جاڭا اۋدان – «شىعىس قاقپاسى» رەتىندە تۋريزم, لوگيستيكا, شەكارالىق قاتىناستار مەن ساۋدا-ساتتىققا كوڭىل اۋداراتىنى بەلگىلى.
ءبىلىم • 12 قىركۇيەك, 2024
جاقىندا وبلىس ورتالىعىندا قازاق پوەزياسىنىڭ كورنەكتى وكىلى دۋلات باباتاي ۇلىنىڭ ەسىمىن يەلەنگەن سەمەي جوعارى كوللەدجىندە ءبىلىم كۇنىنە ارنالعان ءىس-شارا ءوتتى. وعان ءبىلىم مەن عىلىم سالاسىنىڭ وكىلدەرى, ستۋدەنتتەر جانە اتا-انالار قاتىستى.
ايماقتار • 10 قىركۇيەك, 2024
ەكى جىلدان بەرى دامۋ قارقىنى كۇشەيگەن سەمەي قالاسى ءوڭىر تۇرعىندارىن عانا ەمەس, سىرتتان كەلەتىن مەيمانداردى دا كورىكتى كورىنىستەرىمەن كوز تارتىپ, كوڭىل اربايدى. بۇگىندە وبلىس ورتالىعىنداعى «بەيبىتشىلىك» ارالىندا قىزۋ جۇمىس ءجۇرىپ جاتىر. وسى كۇنگە دەيىن فۋتبول, ۆولەيبول, بالالارعا ارنالعان ويىن الاڭدارىنىڭ قۇرىلىسى اياقتالدى. سونداي-اق قالا تۇرعىندارى اراسىندا «دەنساۋلىق» سوقپاعى اتالىپ كەتكەن جولدىڭ بويى جارىقتاندىرىلدى. جاقىن ارادا قايتا جاڭارتىلعان بالالار تەمىرجولىن اشۋ جوسپاردا تۇر. بۇل – وتباسىلىق دەمالىسقا ارنالعان وڭتايلى ورىن بولادى دەگەن ءسوز.
