ادەبيەت • 13 اقپان, 2023
كەيدە الۋان ءتۇرلى ادەبي شىعارمالاردى وقىپ وتىرىپ, كەيىپكەرلەر ومىرىنە, ونىڭ ءومىر سۇرگەن ورتاسىنا نازار اۋداراسىڭ, جازۋشىلاردىڭ ويشىلدىعى, تاپقىرلىعى دا وقىرماندى ءتانتى ەتپەي قويمايدى. ءبىر بايقاعانىم, مەيلى قاي ۇلتتىڭ ادەبيەتى بولسىن, ايەل كەيىپكەرلەر ارقىلى سول كەزدەگى قوعامنىڭ كەلبەتىن, ادام جانىنىڭ نازىكتىگىن سۋرەتتەۋگە كوبىرەك دەن قويىپتى, سوعان ۇمتىلىپتى. كەيدە وقيعالارى ۇقساس بولماسا دا, كەيىپكەرلەرى ارقىلى ادام تاعدىرىن ءسوز ەتكەن شىعارمالاردى قاتار وقىپ, جازۋشىلاردىڭ شەبەرلىگى مەن وقيعالار جەلىسىنە ءجىتى نازار اۋدارۋعا قۇشتارمىن. مۇنداعى ماقساتىم, كىم مىقتى جازادى دەپ ەمەس, كىمنىڭ جازعانى وقىرماندى ويلاندىرا الادى دەگەن سۇراققا جاۋاپ ىزدەۋ ەكەنىن دە جاسىرمايمىن.
ادەبيەت • 24 قىركۇيەك, 2021
جۇرت الدىندا ءوزىن «اقىنمىن» دەپ ايتقىسى كەلمەيتىن اقىندار دا بارشىلىق. ولاردىڭ بۇل ارەكەتى وزىنە دەگەن كۇمان ەمەس, ساف ونەردىڭ الدىنداعى تازالىق, ۇياڭدىق دەر ەدىم. بىلايعى جۇرت «اقىندار ولەڭ جازۋدان باسقا نە ىستەي الادى؟» دەگەن سۇراق قويۋى مۇمكىن. مۇنىڭ جاۋابى دا دايىن. اقىن – ويدىڭ ادامى, ال سول ويدىڭ ىشىندە ۇلتىنىڭ ءسوزى, قۋانىشى, كۇلكىسى, مۇڭى مەن مۇقتاجى جاسىرىنىپ جاتادى. اقىن ونى اشىپ ايتپاعانىمەن, ولەڭدەرى ارقىلى جەتكىزەدى. ۇلى جازۋشى ەريح ماريا رەماركتىڭ ء«بىر ادام باسقا ءبىر ادامعا ءبىر تامشى جىلۋدان وزگە نە بەرە الادى جانە بۇدان ارتىق نە بولۋى مۇمكىن؟» دەگەنىن ەسكە الساق, شىنىندا اقىندار ۇلتىنا ولەڭدى دە, ءتىپتى ءبارىن بەرە الادى. تەك ولاردىڭ جازعانىن وقىپ, ءتۇسىنىپ, ايتقانىن اڭعاراتىن نيەت بولسا.
