لاڭكەستەردىڭ شابۋىلىنان 12 ادام وپات بولدى

استانا. 13 مامىر. يراكتىڭ بالاد قالاسىندا ورىن العان لاڭكەستىك ارەكەتتەن 12 ادام قازا تاپتى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. وقيعا وتكەن ءتۇنى جەرگىلىكتى ءدامحانالاردىڭ بىرىندە بولدى. بەلگىسىز بىرەۋلەر كەشكى اس ءىشىپ وتىرعاندارعا شابۋىل جاساعان. مالىمەتتەر بويىنشا, قاندى ارەكەت ون مينۋتقا سوزىلدى. سالدارىنان تاعى 25 ادام ءتۇرلى دەڭگەيدە جاراقات الىپ, اۋرۋحانالارعا جەتكىزىلدى. سودىرلار بۇل ىستەرىن ءۇش پوليتسيانىڭ وتكىزۋ پۋنكتىنان وتكەننەن كەيىن بارىپ جۇزەگە اسىرعان. وسىعان بايلانىستى ءتارتىپ ساقشىلارى بۇل اۋداندى تولىعىمەن قورشاۋعا الىپ, كۇزەت جۇمىستارىن كۇشەيتتى. رەسمي اقپاراتتار بويىنشا, بۇل ارەكەتتى تگيل ۇيىمىنىڭ سودىرلارى ءوز موينىنا الدى. ايتا كەتەيىك, وتكەن سارسەنبى كۇنى, ياعني 11 مامىردا يراك استاناسى باعداد قالاسىندا بىرنەشە رەت جاسالعان تەررورلىق شابۋىلداردان 94 ادام قازا تاۋىپ, 150 تۇرعىن زارداپ شەكتى. ولاردىڭ اراسىندا بالالار دا بار. اتالعان ەلدە ءىرى لاڭكەستىك ۇيىمداردىڭ ءجيى شابۋىلىنان جاعداي شيەلەنىسىپ تۇر. باعدادپەن قاتار كورشىلەس جاتقان بىرنەشە ايماقتاعى جاسالىنىپ جاتقان جارىلىستاردان بەيبىت تۇرعىندار مەن ءتارتىپ ساقشىلارى مەرت بولادى. ايان ءابدۋالي. دەرەك: ريا «نوۆوستي». فوتو: 24.kz.