قۋاڭشىلىق سالدارىنان جابايى جانۋارلار ساتىلىمعا شىعارىلادى

استانا. 13 مامىر. زيمبابۆە رەسپۋبليكاسىنىڭ بيلىگى قۋاڭشىلىق سالدارىنان قورىقتاعى جابايى جانۋارلاردى جاپپاي ساتۋ تۋرالى شەشىم قابىلدادى. بۇل تۋرالى 24.kz-كە سىلتەمە جاساعان egemen.kz ءتىلشىسى حابارلادى. جان-جانۋارلارىن اسىراۋعا سۋ تاپپاعان قورىق قىزمەتكەرلەرى جەكەنىڭ قولىنا بەرۋگە ءماجبۇر بولىپ وتىر. ءشولدىڭ سالدارىنان اڭ-قۇستاردىڭ باسىم بولىگى زارداپ شەگۋدە. مالىمەتتەر بويىنشا, ءتىپتى قىرىلىپ قالۋدىڭ الدىندا تۇر. سونىمەن قاتار, ارنايى قورشالعان ايماقتا مەكەندەيتىن جانۋارلار سانى دا شامادان تىس كوبەيىپ كەتكەن. «جابايى تىرشىلىك يەلەرىن وزىمىزدە ساقتاپ قالساق, ولارعا زيانىمىزدى تيگىزىپ الامىز. بيىلعى قۋاڭشىلىق قيىنداۋ بولىپ تۇر. جانۋارلاردى قورەكتەندىرەتىن سۋ مەن جەم-ءشوپ قورى جوقتىڭ قاسى. قورىقتىڭ كەي بولىكتەرىندە سۋ تارتىلىپ قالدى. ال مۇنداعىلار سۋسىز ۇزاققا شىدامايدى», ­­–­ دەيدى قورىق قىزمەتكەرى ەماننۋەل فۋنديرا. زيبابۆە قورىقتارىن اۋا رايىنداعى ەل-نينو قۇبىلىسى سالدارىنان قۇرعاقشىلىق جايلاعان. سۋ تاپشىلىعىنان اۋىل شارۋاشىلىعىنداعى ەگىستىك قۋراپ, مەملەكەت قازىناسىنا ايتارلىقتاي شىعىن كەلتىرگەن. ايان ءابدۋالي. دەرەك, فوتو: 24.kz.