ارداگەرلەرىن ارداقتادى

كۇللى ەلىمىز ۇلى جەڭىس مەرەكەسىن تويلاپ جات­قان شۋاقتى كۇندەرى ەل گازەتى – «ەگەمەن قازاق­ستاننىڭ» رەداكتسياسى دا ادەتتەگىدەي الماتى قالاسىندا تۇراتىن ءوز ارداگەرلەرىن ماراپاتتاۋ­دى ۇمىتپادى. ۇلى وتان سوعىسىنىڭ ار­داگەرى, بەلگىلى جۋرناليست, جازۋشى بيسۇلتان امان­عاليەۆ – سوعىسقا ستالين­گراد مايدانىنان كىرىپ, ۇلى جە­ڭىستى بەرليندە تويلاعان ناعىز قازاق باتىرى. جۋرنا­ليستىك جولىن سوعىسقا دەيىن جامبىل وبلىستىق گا­زە­تىندە كوررەكتورلىقتان باستاعان بيسۇلتان اعا 1946 جىلدان بەرى قاراي «ەگەمەن قازاقستاندا» («سوتسياليستىك قازاقستان») ۇزاق جىلدار تابان اۋدارماي ەڭبەك ەتتى. قارۋىن قالامعا الماستىرعان ارداگەر جۋرناليستىك جاستىق شاعىن ساعىنعانى بولار, 1969 جىلعى ماسكەۋدىڭ كرەمل­دەر سارايىندا وتكەن بۇكىل­وداقتىق كولحوزشىلار سەزىن ەرەكشە تامسانىپ, بىلايشا ەسكە الدى. – ءبىز, مىناۋ حاميت ءبىر­جانوۆ ءىنىمىز ەكەۋمىز سول كەز­دەگى كەڭەس وداعىنىڭ باسشى­سى برەجنەۆتىڭ كولحوزشىلار سەزىندە ورىس تىلىندە جاساعان بايانداماسىنا ىلەس­پە اۋدار­ما جاساپ, بىردەن ال­ماتىعا – قازتاگ پەن «سوتسيا­ليستىك قازاقستانعا» جەدەل­دەتىپ جىبەرىپ تۇردىق. ول زاماندا كازىرگىدەي تەحنيكا دامىماعان, بىراق, سوعان قا­را­ماستان, گازەت كۇندەلىكتى ءداپ قازىرگىدەي  كەشىكپەي شىعا­تىن. كرەملدە وتىرعان بىزدەر, تاڭدى تاڭعا ۇرىپ ەلدە­گى گازەت ءۇشىن, وقىرماندار ءۇشىن قىزمەت ەتتىك. وتان ءۇشىن قان توگىپ جا­نىن اياماعان ارىپتەس اعا­سى­نىڭ ءسو­زىن ەرەكشە ىلتيپاتپەن تىڭداپ, قول­داعان تىل ارداگەرى بۇگىندە بوستاندىق اۋداندىق ارداگەرلەر كەڭەسىنىڭ توراعاسى قىزمەتىن اتقاراتىن حاميت ءبىرجانوۆ ىلەسپە اۋدارمادان قولى بوساعان ساتتە گازەت ءتىلشىسى رەتىندە كولحوزشىلار سەزىنەن «سوتسياليستىك قازاقستانعا» ارنايى رەپور­تاجدار جازعانىن دا ۇمىت­پاپتى... «ەگەمەن قازاقستاننىڭ» اس­تا­ناداعى باس كەڭسەسىنەن ارنايى جىبەرىلگەن اقشالاي سىيلىقتار مەن گۇل شوق­تارىن قولىنا العان گازەت ارداگەرلەرى رەداكتسياعا العىسىن ايتتى, گازەتتىڭ بارشا ۇجى­مىنا زور شىعارماشىلىق تابىس تىلەدى. تالعات ءسۇيىنباي, «ەگەمەن قازاقستان» الماتى سۋرەتتە: «ەگەمەن قا­زاق­ستان» گازەتىنىڭ الما­تى­داعى ار­داگەر-قالامگەرلەرى – حاميت ءبىرجانوۆ پەن بي­سۇلتان امان­عاليەۆ  سۋرەتتى تۇسىرگەن اۆتور