ۇشاتىن اقتيىندەر

رەسەي ورماندارىنان قازاقستان دالاسىنا «قونىس اۋداردى» بيىل وسكەمەننىڭ ماڭايى ۇشاتىن تيىندەرگە تولىپ كەتتى. ءبىر قىزىعى, بۇل جانۋاردىڭ بۇرىن مۇندا مەكەنى جوق بولاتىن. رەسەيدەن جۇزدەگەن لەكپەن كەلگەن ولار ەندى وسى اراداعى ورمان مەن جاڭا كەۋەكتەردى قونىستانا باس­تادى. وبلىس ورتالىعىنا جاقىن ورنالاسقان تارحان اۋىلىنىڭ وقۋشىلارى ۇشاتىن تيىندەرگە كومەك كورسەتۋ ماقساتىندا كىشكەنە اعاش ۇيشىكتەر جاساپ جاتىر. ال جەرگىلىكتى ورمانشىلار كۇتپەگەن «ميگرانتتار» ءۇشىن الابوتەن قۋا­نىشتى. – ەگەر ۇياسىن سالىپ, ازىعىن قامداپ بەرۋگە جاعداي جاساساق, ءارى قاراي كوشە بەرمەي, بىزدە قالادى دەپ ويلايمىن. سوندىقتان, ءبىز كىش­كەنە جانۋارعا جاعداي جاساۋ ءۇشىن جاساندى كەۋەكتەر ويۋدامىز, – دەدى ورمانشىلاردىڭ ءبىرى الەكسەي چەرەپانوۆ. ماماندار ۇشاتىن ءتيىن­دەر­دىڭ جاپپاي قونىس اۋدارۋى تىرشىلىككە قولايلى جەر ءىز­­دەۋدەن شىققانىن ايتادى. ولار قازاقستان اۋما­عىنا بال­قا­راعاي ءتۇيىنىن ىزدەپ كەلگەنگە ۇقسايدى. رەسەيگە قا­راعاندا, ءوس­كەمەن ماڭىنداعى ورمانداردا بالقاراعاي, سامىرسىن جاڭ­عاقتارى مول تۇسەدى. زوو­لوگ­­تاردىڭ پىكى­رىنشە, ورماندى جاڭادان مەكەن­دەۋشىلەر كوپ پايداسىن تي­گىزۋى مۇمكىن. ۇشا­تىن تيىندەر ورمان­نىڭ بوس جات­قان ازىقتىق بەلدەۋىنە ورنالا­سىپ قانا قويماي, جەرگىلىكتى فاۋ­نا­نىڭ دامۋىنا ىقپال ەتەدى ءارى تابيعاتقا ەرەكشە كورىك بەرەدى. دۋمان اناش, «ەگەمەن قازاقستان» وسكەمەن