اتقارىلعان شارالار اۋقىمى زور

مەملەكەت باسشىسى نۇرسۇلتان نازارباەۆ تۇڭ­عىش پرەزيدەنت – ەلباسى قورى­نىڭ باسشىلىعىمەن كەز­دەستى, دەپ حابارلادى پرە­زيدەنتتىڭ ءباسپاسوز قىزمەتى. كەزدەسۋ بارىسىندا ەلباسىنا قوردىڭ 2015 جىلعى جانە بيىل­عى 5 ايداعى قىزمەتىنىڭ قورى­تىندىلارى تۋرالى, سونداي-اق, جۇزەگە اسىرىلىپ جاتقان, جوس­پار­لانىپ وتىرعان جوبالار جونىندە باياندالدى. نۇرسۇلتان نازارباەۆ قوردىڭ ءوز قىزمەتىندە جاڭا ساپالى دەڭ­گەي­­گە كوتەرىلۋى قاجەت ەكەنىن اتاپ ءوتتى. – قور جۇمىسىنىڭ نەگىزگى با­عىتى – عىلىمي باعىت. زەرت­تەۋشىلىك باعىتتىڭ, سونىڭ ىشىندە الەمدىك ساراپشىلارمەن ساياسات, ەكونوميكا, حالىقارالىق قاتىناس جانە قاۋىپسىزدىك ماسەلەلەرى بويىنشا ءوزارا ءىس-قيمىلدىڭ ماڭىزى زور, – دەدى مەملەكەت باسشىسى. قازاقستان پرەزيدەنتى قور ءجۇر­گىزەتىن عىلىمي زەرتتەۋلەر ايا­سىندا ەلدى دامىتۋدىڭ وزەكتى ءما­سەلەلەرى جونىندە ۇسىنىمدار ازىرلەۋدىڭ دە وزەكتىلىگىن اتاپ ءوتتى. ەلباسى قور ازاماتتاردىڭ الەۋمەتتىك ماسەلەلەرىن شەشۋگە قاتىسا وتىرىپ, ءوز جوبالارى ارقىلى حالىقتى بارىنشا مولىنان قامتۋى تيىستىگىنە نازار اۋداردى. بۇل رەتتە مادەنيەت, ونەر جانە ادەبيەت سالاسىنداعى باستامالار بيىل تاۋەلسىزدىكتىڭ 25 جىلدىعى اياسىندا جۇزەگە اسىرىلۋى قاجەت. قوردىڭ اتقارۋشى ديرەكتورى س.نۇراحانوۆ ەسەپتى كەزەڭدە عىلىمي-شىعارماشىل جاستاردى قول­داۋ, الەۋمەتتىك باعدارى بار جوبالار مەن قايىرىمدىلىقتى جۇزەگە اسىرۋ, سونداي-اق, اقپا­رات­تىق-تالدامالىق قىزمەت سياقتى باعىتتار بويىنشا 67 ءىس-شارا وتكىزىلگەنىن ايتتى. وتكەن جىلى قور جاس بۋىن ءۇشىن سىيلىقتار, ستيپەنديالار مەن گرانتتار تاعايىنداۋ ءجو­نىن­دە داستۇرگە اينالعان كون­كۋرستىق باعدارلامالاردى ىسكە اسىردى. جۇرتشىلىقتىڭ جوعا­رى باعاسىن العان جاڭا تابىس­تى جوبالار قاتارىندا «التىن تو­بىلعى» ادەبي سىيلىعى بار. سونى­مەن قاتار, «استانا كلۋبى» ساراپ­شىلىق ۇيىمى جۇمىسىن جالعاستىرۋدا. قور جانىنداعى الەمدىك ەكونوميكا جانە ساياسات ينستيتۋتىنىڭ ديرەكتورى س.اكىمبەكوۆ حالىق­ارالىق تالداۋ ورتالىعىن ۇزدىك حالىق­ارالىق ستاندارتتارعا ساي دامى­تۋ جونىندەگى مىندەتتىڭ جۇزەگە اسىرىلۋىنا توقتالدى. ينس­تي­تۋت ءوز قىزمەتى اياسىندا حا­لىق­ار­الىق كۇن تارتىبىندەگى وزەكتى تا­قى­رىپتار جونىندە زەرتتەۋلەر جا­ساپ, بايانداما دايىندايدى. بيىل 12-ءشى رەت وتكەن, «بۇگىنگى با­قىتتى بالالىق – ەرتەڭگى قۋاتتى قازاقستان» دەگەن تاقىرىپقا ارنال­عان جىل سايىنعى «الەۋمەت­تىك يدەيالار مەن جوبالار ءجار­مەڭكەسى» اياسىندا ەل وڭىرلەرىنەن 16 ۇكىمەتتىك ەمەس ۇيىم قوردان قار­جىلىق قولداۋ الدى. ۇلى وتان سوعىسىنداعى جەڭىستىڭ 71 جىلدىعىنا وراي تۇڭ­عىش پرەزيدەنت – ەلباسى قورى­نىڭ قارجىلىق قولداۋىمەن كە­ڭەس وداعى باتىرلارىنىڭ, قا­زاق­ستاندىقتاردىڭ ەرلىكتەرى تۋرالى باياندايتىن «جەڭىستىڭ جا­لىنى» اتتى ءۇش تومدىق جيناق قايتا باسىلىپ شىقتى. جىل باسىندا جاس شىعار­ماشىل قىزمەتكەرلەردىڭ مادە­نيەت پەن ونەر سالاسىنداعى, سون­داي-اق, جاس عالىمداردىڭ عىلىم جانە تەحنيكا سالاسىنداعى جەتىس­تىكتەرىن قولداۋ جانە باعالاۋ اياسىندا قور سىيلىعىنىڭ 21 لاۋرەاتىن ماراپاتتاۋ ءراسىمى بولىپ ءوتتى. قور قازاقستاننىڭ بۇۇ قاۋىپ­سىزدىك كەڭەسىنىڭ تۇراقتى ەمەس مۇشەلىگىنە كانديداتۋراسىن ىلگەرىلەتۋ ىسىنە اتسالىسۋ ماق­ساتىمەن مامىر ايىنىڭ باسىندا نيۋ-يورك شتاتىندا كونتسەرت جانە فوتوكورمە ۇيىمداستىردى. سۋرەتتى تۇسىرگەندەر س.بوندارەنكو, ب.وتارباەۆ