ويلار ورتاق ارنادا توعىستى

وڭتۇستىكتە قازاقستان وبلىسىنا پارلامەنت ءماجىلىسىنىڭ ءبىر توپ دەپۋتاتى, اتاپ ايت­قاندا, قۇدايبەرگەن ەرجان, باي­دىلدا جىلقىشيەۆ, رومان كيم, ءۋاليحان قاينازاروۆ, ساكەن قانىبەكوۆ, فاحريددين قارا­تاەۆ, مانسۇرحان ماحامبەتوۆ, بەرىك وسپانوۆ ارنايى ساپارمەن كەلىپ, قالا, اۋدانداردا جۇرتشىلىقپەن كەزدەسۋدە.  ف.قاراتاەۆ ءوزىمىزدىڭ ارىپتەس. كۇنى كەشە وزبەك تىلىندە شىعاتىن «جانۋبي كوزوگيستون» گازەتىنىڭ باس رەداكتورى بولعان ازامات سارىاعاش اۋدانىنداعى «قۇركەلەس» ەلدى مەكەنىندە, ودان كەيىن اباي اۋىلىندا جانە سايرام اۋدانىنداعى قارابۇلاق اۋىلىندا كەزدەسۋلەر وتكىزىپ, جۇرتشىلىقپەن ديدارلاستى. – ءبىزدىڭ وڭتۇستىك حالقى – دارحان, ەڭبەكقور حالىق قوي, – دەيدى فاحريددين ءابدىنابي ۇلى. – كەزدەسۋدەگى ويلارىمدى ءتۇيىپ ايتسام, نەگىزگى اڭگىمە ەلىمىزدىڭ كەلەشەگى, ەلباسىنىڭ «100 ناقتى قادام» ۇلت جوسپارى بويىنشا مەملەكەتتىك باعدارلامالاردىڭ قالاي ىسكە اسىرىلىپ جاتقان­دى­عى ءسوز بولدى. وزگە دە وزەكتى ماسە­لەلەر توڭىرەگىندە وي قوزعالدى. دەپۋتات, سونداي-اق, جەر كو­دەكسىنە وزگەرىستەرگە بايلانىستى ەلباسىنىڭ جىل سوڭىنا دەيىن وعان موراتوري جاريالاۋى ەلىمىزدە كەڭ قولداۋعا يە بولعانىن اتاپ ءوتتى. تاۋەلسىزدىك – ءبىزدىڭ ەڭ باستى بايلىعىمىز, ۇلتتىق قۇندىلىعىمىز. ونى شاي­قالتۋعا, ىرىتكى سالۋعا ەشكىم­نىڭ قۇقىسى جوق ەكەنى ايتپاسا دا تۇسىنىكتى. ەل ىشىندەگى كەزدەسۋلەردە حا­لىق ويى وسى ارنادا توعىسىپ جاتتى. باقتيار تايجان, «ەگەمەن قازاقستان» وڭتۇستىك قازاقستان وبلىسى, سارىاعاش اۋدانى