دوستىق ۇيىندەگى ديدارلاسۋ

قاراعاندىعا ارنايى جۇمىس ساپارىمەن كەلگەن قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارى «ماڭگىلىك ەل» پاتريوتتىق اكتىسىن ءتۇسىندىرۋ بويىنشا قالاداعى دوستىق ۇيىندە قازاقستان حالقى اسسامبلەياسىنىڭ وبلىستىق اكتيۆىمەن كەزدەستى. «ماڭگىلىك ەل» پاتريوتتىق اكتىسى قازاقستان حالقى اسسام­بلەياسىنىڭ ءححىV سەسسياسىندا قابىلدانعان بولاتىن. – بۇل سەسسيا – تاريحي سەسسيا بولدى, – دەدى كەزدەسۋ بارىسىندا ءماجىلىس دەپۋتاتى نارينە مي­كاەليان. – تاۋەلسىزدىگىمىزدىڭ 25 جىلدىعىنىڭ قارساڭىندا ءبىز «ماڭگىلىك ەل» پاتريوتتىق اكتى­سىن قابىلدادىق. بۇگىنگى كەزدەسۋدە ءبىز بۇل تاريحي قۇجاتتىڭ ماڭىزى مەن قۇندىلىعىنا تاعى ءبىر تەرەڭ ۇڭىلمەكپىز. كەزدەسۋ بارىسىندا ءسوز ال­عان وبلىستىق «ەرەبۋني» ارميان ەتنومادەني بىرلەستىگىنىڭ ءتور­اعاسى ارتۋر ناۆاسارديان بىلاي دەدى: «قازاقستاندا 130-عا تارتا ۇلت وكىلدەرى تۇرادى. بۇل جاعدايدا ءبىزدىڭ ارقايسىمىز تىنىشتىقتى كوزدىڭ قاراشىعىنداي ساقتاۋدى جەتە ءتۇسىنۋىمىز كەرەك. كەلىسىم مەن دوستىقتى ساقتاي بىلسەك, ەلىمىز ءوسىپ-وركەندەيدى. 1991 جىلى كسرو قۇلاعاندا كوپتەگەن ەلدەردە قانتوگىستەر بولدى. ال بىزدە ءبارى دە كەرىسىنشە بولدى: جاپپاي قۇرىلىستار جۇرگىزىلىپ, العا قاراي ارشىندى قادام باستىق. ءتىپتى, از عانا ۋاقىت ىشىندە استانانى سالىپ تاستادىق. بۇل – تەك وتانىمىزداعى تىنىشتىق پەن تاتۋلىقتىڭ ارقاسىندا مۇمكىن بولدى». كەزدەسۋگە قاتىسۋشىلار اراسىندا بولاشاعى ءبىرتۇتاس ۇلت تۋرالى اڭگىمە قوزعالىپ, قا­زاق­ستانعا باسەكەگە قابى­لەتتى, وي-ءورىسى دامىعان, «ءبىز – قازاق­­ستاندىقتارمىز!» دەپ ماقتا­نىش­پەن ايتا الاتىن ۇلت كەرەك­تىگى باسا ايتىلدى. جيىن قورى­تىن­دىسىندا قازاقستان­دىقتار بۇرىنعىدان بەتەر بىرىگە ءتۇسۋى قاجەت دەگەن بايلام جاسالدى. قايرات ءابىلدينوۆ, «ەگەمەن قازاقستان» قاراعاندى