«قارا شەكپەن»

تۇركىتىلدەس تەاترلار فەستيۆالىندە «ەڭ ۇزدىك سپەكتاكل» جۇلدەسىن الدى بۇل كۇندەرى الماتىداعى ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترى تۇركيا مەملەكەتى­نەن ۇلكەن تابىسپەن ورالىپ وتىر. اتالمىش تەاتر 20-30 ءساۋىر ارالىعىندا تۇركيانىڭ كونيا قالاسىندا وتكەن «مىڭ تىنىس – ءبىر داۋىس» اتتى تۇركىتىلدەس تەاترلاردىڭ ءحى حالىقارالىق فەستي­ۆالىندە «ەڭ ۇزدىك سپەكتاكل» جۇلدەسىن جەڭىپ الدى. جاستار تەاترىنىڭ جەتەك­شىسى ءسابيت ابدىحالىقوۆ حالىق­ارالىق ونەر دوداسىنىڭ وتە جوعارى دەڭگەيدە وتكىزىلگەنىن ايتادى. سونداي-اق, تەاتردىڭ شى­عارماشىلىق ۇجىمى وزدە­رىنىڭ ونەرلەرىن شىڭداۋدا وتە جاقسى مۇمكىندىكتەرگە يە بولعان ەكەن. قازاق اكتەرلەرى ءۇشىن فەستيۆالدىڭ مۇسىلماندار مەيرامى – ماۋلىتپەن تۇسپا-تۇس كەلۋى ەستە قالارلىقتاي, ەرەكشە اسەرلى بولعان. فەستيۆالگە تۇركيانىڭ بەس تەاترىنان بولەك, ماكەدونيا, مول­­دوۆا, ازەربايجان, كيپر, گرۋ­زيا, يراك, يران, بولگاريا سىندى ەل­دەردىڭ ونەر وردالارى سايىسقا ءتۇسىپ, باق سىناستى. سونىمەن, حالىقارالىق فەس­تي­ۆالدە قازاق تەاترى گەور­گي حۋگاەۆتىڭ «قارا شەكپەن» قويى­لىمىن كونيانىڭ ورتالى­عىندا ورنالاسقان تۇرىك ۇلتتىق «Devlet» تەاترىنىڭ ساحناسىندا قويدى. قازاق كورەرمەندەرىنىڭ قوشە­­مەتىنە بولەنىپ جۇرگەن سپەك­تاكل­دىڭ قويۋشى-رەجيسسەرى – اس­حات ماەميروۆ, قويۋشى-سۋرەت­شىسى – ينديرا يحسان, مۋزىكامەن كور­كەمدەگەن – دينارا ابىكەەۆا, بولات­بەك نۇرقاسىموۆ, بالەتمەيس­تەر – رينات بيلىباەۆ. تۇركيا كورەرمەندەرى عانا ەمەس, تۇركىتىلدەس مەملەكەتتەردەن كەلگەن كاسىپقوي تەاتر ۇجىمدارىنىڭ كو­ڭى­لىنەن شىققان تاماشا قويى­لىمدا دانيار بازارقۇلوۆ, جانار ماقاشەۆا, ەرلان كارىباەۆ, اسەت ەسجان, ەدىل رامازانوۆ, گۇل­باھرام بايبوسىنوۆا, ءسانيا ەر­زات, دارحان سۇلەيمەنوۆ, ەربول سا­­دىرباەۆ, ەربول ىدىرىسوۆ, گاۋ­ھار ساعىنعاليەۆا, تولقىن نۇر­بەكوۆا, قۋانىش تۇردالين, گۇل­­دانا ەرگەشوۆا, ءمولدىر قونىس­قىزى, دينارا شىمىرباەۆا, ەل­دار وتارباەۆ سىندى ارتىستەر تاماشا ونەر كورسەتىپ, ساحنالىق شەبەر­لىكتەرىمەن ارىپتەستەرىن ءتانتى ەتكەن. پەندەلەردىڭ دە بولمىسىمەن استاسىپ جاتقان بۇل پەسادا ءبىر عانا ادام بار. ول قارا شەك­پەندى شوپان. سپەكتاكلدىڭ باستى كەيىپكەرى تۇزار اتتى يەسىنە ادال بەرىلگەن توبەت دەسەك تە, ادامنىڭ ءتۇرلى بولمىسىن بەينەلەيتىن كوكجال قاسقىر, كوكشۋلان قان­شىق, قوسۇرەي قويان, ەڭبەگى ەش ەسەك كيكو, 250 جىل جا­ساعان قۋقار قارعا, ايلاسىنا قۇرىق بويلاتپاس سىلاڭ تۇلكى, ءادى­لەتسىزدىككە جانى توزبەيتىن, بىراق ونىڭ قۋلىق-سۇمدىقتارىن دا ءالى تۇسىنبەيتىن بە-بە قوزى كەزەگىمەن ءبىرىنشى پلان­عا شىعىپ وتىرادى. ال قورتىق قاسقىر مەن قويلار دا تىرشىلىكتىڭ يەلەرى. تىندىرعانى شامالى بولسا-داعى, توپ باستاعان تەكە دە اينالامىزدا بار. تۇرىك كورەرمەندەرى الدىندا ادالدىعى باعالانباعان ءيتتى دانيار بازارقۇلوۆ پەن ونەر سۇلۋلىعىنا تامساندىرعان كوكشۋ­لاندى جانار ماقاشەۆا جار­قىراتىپ الىپ شىقتى. ايناش ەسالي, «ەگەمەن قازاقستان» الماتى