ەلباسى ەكى مينيسترلىكتىڭ ءوز مىندەتتەرىن ورىنداي الماعانىن ايتتى

استانا. 5 مامىر. اقوردادا وتكەن كەڭەس وتىرىسىندا قازاقستان پرەزيدەنتى نۇرسۇلتان نازارباەۆ ەكى مينيسترلىكتىڭ ءوز مىندەتتەرىن ورىنداي الماعانىن مالىمدەدى. بۇل تۋرالى nur.kz-كە سىلتەمە جاساعان egemen.kz ءتىلشىسى حابارلادى. كەڭەس وتىرىسىندا مەملەكەت باسشىسى جەر زاڭناماسىنىڭ نورمالارىن تۇسىندىرۋگە مينيسترلەردىڭ جەكە جاۋاپكەرشىلىگىن ەنگىزدى. «ەكى مەملەكەتتىك ورگان – اۋىل شارۋاشىلىعى جانە ۇلتتىق ەكونوميكا مينيسترلىگى جەر كودەكسى بويىنشا جۇمىس جۇرگىزدى. ولار بۇل مىندەتتى ورىنداي المادى. مەن مينيسترلىكتەر جامان جۇمىس ىستەدى دەپ ايتقىم كەلمەيدى. بىراق بارلىعىنا تۇسىنىكتى بولاتىنداي, قابىلدايتىنداي ءوز ۇستانىمىن تۇسىندىرە المادى. سوندىقتان مەن بۇگىن بىرقاتار شەشىمدەر قابىلدايمىن», – دەدى پرەزيدەنت. ايتا كەتەيىك, بۇگىنگى جيىندا مەملەكەت باسشىسى ۇلتتىق ەكونوميكا ءمينيسترى ەربولات دوساەۆتى قىزمەتىنەن بوساتىپ, اسىلجان مامىتبەكوۆكە سوگىس جاريالادى. تالعات رايىمبەك. دەرەك: nur.kz. فوتو: egemen.kz.