ۇلىتاۋدا «تەرىساققان كوكتەمى» ەتنوفەستيۆالى ءوتتى

قاراعاندى. 5 مامىر. مادەنيەت جانە سپورت مينيسترلىگىنىڭ « ۇلىتاۋ» تاريحي-مادەني جانە تابيعي قورىم-مۇراجايى « ۇلى تاعزىم» قوعامدىق قورىمەن بىرلەسىپ جانە ۇلىتاۋ اۋدانى اكىمدىگىنىڭ قاتىسۋىمەن «تەرىساققان كوكتەمى» اتتى ەتنوفەستيۆال وتكىزدى. بۇل تۋرالى inform.kz-كە سىلتەمە جاساعان egemen.kz ءتىلشىسى حابارلادى. «تەرىساققان كوكتەمى» ەتنوفەستيۆالى – بىرەگەي قۇبىلىس, سەبەبى قازاق جىلقى وسىرۋشىلەرىنىڭ مەرەكەلىك راسىمدەرى تەرىساققان اۋىلىندا عانا ساقتالعان. نيەت بىلدىرگەندەردىڭ بارلىعى قولدانبالى ونەر بويىنشا شەبەرلىك ساباقتارىنا بارا الدى», – دەپ حابارلادى مادەنيەت جانە سپورت مينيسترلىگىنىڭ ءباسپاسوز قىزمەتى. كورمە قوناقتارىنا قازاقتىڭ ۇلتتىق تاعامدارى, تۇرمىستىق زاتتارى كورسەتىلدى. ات ابزەلدەرى جانە كوشپەندىلەردىڭ سان-ءتۇرلى ىدىس-اياقتارى شەتەلدىك قوناقتاردىڭ قاتتى قىزىعۋشىلىعىن تۋدىردى. فەستيۆالگە پولشا, رەسەي, ۋكراينا, وزبەكستان, قىرعىزستاننان قوناقتار, National geographic ۇيىمىنىڭ, قازاقستان ۇلتتىق گەوگرافيا قوعامىنىڭ وكىلدەرى, عالىمدار كەلىپ قاتىستى. قايرات ءابىلدينوۆ. دەرەك, فوتو: inform.kz.