قاراعاندىدا پوليتسيا باسشىسى سوعىس ارداگەرىن قۇتتىقتادى

قاراعاندى. 5 مامىر. قاراعاندى وبلىستىق ىشكى ىستەر دەپارتامەنتىنىڭ باسشىسى, پوليتسيا گەنەرال-مايورى مەرگەنباي جاپپاروۆ ۇلى وتان سوعىسىنىڭ ارداگەرىن ۇيىنە بارىپ قۇتتىقتادى. بۇل تۋرالى ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. ۇلى جەڭىس مەرەكەسى قارساڭىندا گەنەرال مەرگەنباي جاپپاروۆ مايدانگەر, ميليتسيا قىزمەتىنىڭ ارداگەرى اسىلحان ومارحانوۆتىڭ شاڭىراعىندا بولىپ, 92 جاستاعى قاريانى مەرەكەمەن قۇتتىقتاپ, اقشالاي جانە باعالى سىيلىقتار تاپسىردى. وتستاۆكاداعى ميليتسيا پودپولكوۆنيگى اسىلحان ومارحانوۆ ۇلى وتان سوعىسى كەزىندە كۋرس ءيىنى ءۇشىن بولعان شايقاسقا قاتىسىپ, ورەل, كۋرسك, سمولەنسك قالالارىن جاۋ قولىنان ازات ەتۋگە ات سالىستى. سوعىستان كەيىن 1951 جىلدان باستاپ 1974 جىلعا دەيىن ىشكى ىستەر ورگاندارىندا ءتۇرلى قىزمەتتەردى اتقارعان. قايرات ءابىلدينوۆ. دەرەك, فوتو: ىشكى ىستەر دەپارتامەنتىنىڭ ءباسپاسوز قىزمەتى.