اقتوبەدە زاۋىتتىقتار ساياباققا اعاش وتىرعىزدى

اقتوبە. 5 مامىر. وڭىردە وتكىزىلىپ جاتقان «اعاش وتىرعىز» ەكولوگيالىق اكتسياسىنا «قازحروم»تۇك»اق فيليالى – اقتوبە فەرروقورىتپا زاۋىتى قورشاعان ورتانى قورعاۋ باسقارماسىنىڭ قىزمەتكەرلەرى ءبىر كىسىدەي اتسالىسىپ, وزدەرىنىڭ ۇلەستەرىن قوسۋدا. بۇل تۋرالى egemen.kz ءتىلشىسى حابارلادى. ەكولوگيالىق ايلىق اياسىندا ۇيىمداستىرىلعان شارا بارىسىندا ولار قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆ اتىنداعى ورتالىق ساياباققا وزدەرىنىڭ قاراجاتىنا ساتىپ الىنعان 50 ءتۇپ پيراميدالىق تەرەك كوشەتىن وتىرعىزدى. رتالىق ساياباققايگىلىكتى ىسكە  وزدەرىنىڭ  قولتاڭباسىن قالدىرۋعا كەلگەن زاۋىتتىقتار  بىرى كوشەتتەردى وتىرعىزىپ جاتسا, ەندى ءبىرى وتىرعىزلعان اعاشتاردىڭ تۇبىنە سۋ قۇيىپ جۇمىستى قىزدىرا ءتۇستى. زاۋىتتىقتاردىڭ قولىمەن وتىرعىزىلعان اعاشتار ساياباقتا جايقالىپ ءوسىپ, الىپ بايتەرەككە اينالسىن دەگەن ىرىممەن القىزىل لەنتانى دا بايلاۋدى ۇمىتقان جوق. «ەكولوگيالىق ماسەلە ءبىزدىڭ كومپانيادا جالپى ءاردايىم باستى نازاردا ۇستالادى. ءبىزدىڭ زاۋىتتا اعاش وتىرعىزۋ جىل سايىن جۇزەگە اسىرىلادى. اعاش ەگۋ تازالىقتىڭ, جاقسىلىقتىڭ نىشانى. ءاربىر ازامات قورشاعان ورتانى قورعاۋ, تازا ۇستاۋ, اباتتاندىرۋ, كوگالداندىرۋ ىسىنە ۇلكەن جاۋاپكەرشىلىكپەن قاراعانى دۇرىس دەپ ويلايمىن. بۇل بارشاعا ورتاق ءىس. بۇگىن, مىنە مەتاللۋرگتەردىڭ اتىنان ورتالىق ساياباعىنا اعاش وتىرعىزىپ قولتاڭبامىزدى قالدىرىپ جاتىرمىز. بۇل شارا جاقسىلىقتىڭ نىشانى بولىپ قانا قويماي, ەلىمىزدى كوركەيتۋگە, جاسىل جەلەككە اينالدىرۋعا قوسقان كىشكەنتاي عانا ۇلەسىمىز دەپ بىلەمىن», دەيدى قورشاعان ورتانى قورعاۋ باسقارماسىنىڭ ينجەنەر-ەكولوگى وتەگەن ساپاربەرگەن. ساتىبالدى ءساۋىرباي. دەرەك, فوتو: egemen.kz