اقتوبەدە جاڭا الەۋمەتتىك دۇكەندەر اشىلادى

اقتوبە. 5 مامىر. اقتوبەدە جاڭا الەۋمەتتىك دۇكەندەر اشىلادى. بۇل تۋرالى «اقتوبە اقپارات» ورتالىعىندا وتكەن ءباسپاسوز كونفەرەنتسياسىندا «اقتوبە» اكك» ۇك» اق باسقارما توراعاسى قايرات بەكەنوۆتىڭ اقپارى بويىنشا egemen.kz ءتىلشىسى حابارلادى. العاشقى الەۋمەتتىك دۇكەن «نۇر اقتوبە» ىقشام اۋدانىندا بيىلعى جىلعى ناۋرىز ايىندا اشىلدى. مۇنداي دۇكەندەردە تۇتىنۋشىلار الەۋمەتتىك ماڭىزى بار تاۋارلاردى ارزان باعامەن ساتىپ الا الادى. الداعى ۋاقىتتا الەۋمەتتىك ساۋدا ورىندارى 12 ىقشام اۋداندا, سونىمەن بىرگە «باتىس-2» جانە «بولاشاق» ىقشام اۋداندارىندا ەسىكتەرىن ايقارا اشاتىن بولادى. «قازىرگى تاڭدا ءبىزدىڭ ەنشىلەس «بازارلاردى باسقارۋ» جشس بالانسىندا ازىق-ت ۇلىكتىڭ بولشەكتەمە ساۋداسىن ۇيىمداستىرۋعا ارنالعان 7 شاعىن بازار مەن 4 جەر تەلىمى بار.  ول جەردە الەۋمەتتىك ماڭىزى بار ازىق-ت ۇلىك تۇرلەرى 10 پايىزدىق ۇستەمەاقىمەن ساتىلادى. سونىمەن بىرگە, قاجەتتىلىك تۋىنداعاندا ازىق-ت ۇلىك تۇراقتاندىرۋ قورىنان جەتكىزىلمەك. ءبىز قولدانىستاعى شاعىن بازارلاردى قايتا سالىپ, ولاردىڭ سانىن وبلىس ورتالىعىنا جاقىن ورنالاسقان اۋىلدىق وكرۋگتەردەگى تۇرعىندارعا ارزان باعامەن ازىق-ت ۇلىك الاتىنداي مۇمكىندىكتەردى قاراستىرۋىمىز كەرەك. قازىرگى تاڭدا كىرپىشتى, بلاگودارنىي جانە قارعالى اۋىلدارىندا شاعىن بازارلار ءۇشىن جەر تەلىمدەرى قاراستىرىلۋدا», دەدى قايرات بەكەنوۆ. اكك باسشىسى ايماقتا ازىق-ت ۇلىك قاۋىپسىزدىگىن قامتاماسىز ەتۋ جانە ازىق-ت ۇلىككە باعانى تۇراقتاندىرۋ ماقساتىندا قازىرگى تاڭدا كورپوراتسيا تاراپىنان شارالار قولعا الىنىپ جاتقانىن جەتكىزدى. ازىق-ت ۇلىكتى ءوز باعاسىمەن كورشىلەس وبلىستاردان تەك اقتوبە قالاسىنا عانا ەمەس, وبلىس اۋداندارىنا دا جەتكىزۋ جاعى قاراستىرىلۋدا. وسى ماقساتتا «بازارلاردى باسقارۋ» جشس, اقتوبە وبلىسى اۋداندارىنىڭ اكىمدىكتەرى جانە اۋدانداعى وپەراتورلاردىڭ باسشىلارى ازىق-ت ۇلىك تاۋارلارىمەن قامتاماسىز ەتۋ ءۇشىن ءوزارا ىنتىماقتاستىق جونىندە ءۇش جاقتى مەموراندۋمدارعا قول قويدى. مۇنىڭ ءوزى  وبلىس اۋداندارىنا تاۋارلاردى نارىقتاعى باعادان 15-20 پايىزعا ارزانعا ساتىپ الۋعا مۇمكىندىك بەرەدى. ساتىبالدى ءساۋىرباي. دەرەك: egemen.kz فوتو: kerek-info.kz