سيريادا سوعىسپاق بولعان قاراعاندىلىق 6 جىلعا سوتتالدى

قاراعاندى. 5 مامىر. حالىقارالىق لاڭكەستىك ۇيىم – دايش-ءتىڭ قۇرامىنا ەنۋ ءۇشىن سيرياعا كەتپەك بولعان قاراعاندى قالاسىنىڭ تۇرعىنى 6 جىل مەرزىمگە باس بوستاندىعىنان ايىرىلدى. بۇل تۋرالى وبلىستىق سوتتىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. قاراعاندى قالاسىنىڭ 33 جاستاعى تۇرعىنى ءوزىنىڭ تەرىس پيعىلدى ويىن جۇزەگە اسىرۋ ءۇشىن تانىسىنىڭ تولقۇجاتىن ۇرلاپ الىپ, قىرعىزستانعا وتكەن. ول جاقتان «بىشكەك-ىستامبۇل» اۆيارەيسىنە وتىرىپ تۇركياعا جەتەدى. ودان ءارى گازيانتەپ قالاسى ارقىلى سيرياعا زاڭسىز تۇردە وتپەك بولعان جەرىندە تۇرىك شەكاراشىلارىنىڭ قولىنا تۇسكەن. سوت ايىپتالۋشىنى 6 جىل مەرزىمگە باس بوستاندىعىنان ايىرىپ, مۇلكىن تاركىلەدى. سونداي-اق, ول مەملەكەت پايداسىنا پروتسەسسۋالدىق شىعىنداردىڭ ورنىن تولتىرۋ ءۇشىن 226 320 تەڭگە تولەيدى. قايرات ءابىلدينوۆ. دەرەك: قاراعاندى وبلىستىق سوتتىڭ ءباسپاسوز قىزمەتى. فوتو: newsru.com.