پەتروپاۆلدا اراققا سىلقيا تويعان شەنەۋنىك قىزمەتىنەن قۋىلدى

پەتروپاۆل. 5 مامىر. سولتۇستىك قازاقستان وبلىسى ەسىل اۋدانى پروكۋراتۋراسىنىڭ ۇيعارىمىمەن مەملەكەتتىك قىزمەت ەتيكالىق كودەكسىنىڭ تالاپتارىن ورەسكەل بۇزعانى ءۇشىن اۋداندىق ءبىلىم بەرۋ ءبولىمىنىڭ باس مامانى ت. بەكتاسوۆ قىزمەتىنەن الاستاتىلدى. بۇل تۋرالى وبلىستىق پروكۋراتۋرانىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. ت. بەكتاسوۆ ۇيىندە كەشكى ۋاقىتتا الكوگول ونىمدەرىن ىشكەننەن كەيىن ماس كۇيىندە ياۆلەنكا سەلوسىندا ورنالاسقان «تۇركىستان» ويىن-ساۋىق ورتالىعىنا بارعان. مۇندا دەمالۋشىلاردىڭ بەرەكەسىن كەتىرىپ, ەسكەرتۋ جاساعان ءدامحانا قىزمەتكەرلەرىن بالاعاتتاعان, قورقىتىپ, ۇركىتكەن. داياشىلارعا دەنە جاراقاتىن كەلتىرگەن. ويىن-ساۋىق ورتالىعىنىڭ قىزمەتكەرلەرى پوليتسيا وكىلدەرىن شاقىرتۋعا ءماجبۇر بولعان. ورتالىق اۋرۋحانادا ت.بەكتاسوۆقا مەديتسينالى تەكسەرۋ جۇرگىزىلىپ, اراققا سىلقيا تويىپ العانى انىقتالعان. وسىلايشا شەنەۋنىك ءوزىنىڭ تەرىس قىلىعىمەن مەملەكەتتىك قىزمەتشىلەردىڭ ادەپتىلىك نورمالارى مەن مىنەز-ق ۇلىق قاعيدالارىنا قايشى ارەكەتتەر كەلتىرگەن. وسى فاكتى بويىنشا اۋدان اكىمدىگىنە زاڭ بۇزۋشىلىقتى جويۋ تۋرالى ۇسىنىس ەنگىزىلگەن. پروكۋرورلىق ىقپال اكتىسىن قاراۋ قورىتىندىسى بويىنشا اۋداندىق ءبىلىم بەرۋ ءبولىمى باسشىسىنىڭ بۇيرىعىمەن ت. بەكتاسوۆ اتقارعان لاۋزىمىنان بوساتىلعان. ءومىر ەسقالي. دەرەك: سولتۇستىك قازاقستان وبلىستىق پروكۋراتۋرانىڭ ءباسپاسوز قىزمەتى. فوتو: makala.kz.