اتىراۋدا ءبىر ازامات 2 ملرد. 700 ملن. تەڭگەسىن جاريا ەتتى

اتىراۋ. 5 مامىر. اتىراۋدا ءبىر ازامات 2 ملرد 700 ملن تەڭگەسىن جاريا ەتىپ, زاڭداستىرىپ الدى. بۇل تۋرالى وبلىستىق مەملەكەتتىك كىرىستەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. سوڭعى ايلاردا اتىراۋدا م ۇلىكتى جاريا ەتۋگە ىنتا تانىتۋشىلار كوبەيە باستاعانى بايقالادى. ماسەلەن, 1 مامىرعا دەيىن ءوڭىر تۇرعىندارىنان 1313 ءوتىنىش ءتۇسىپتى. وسىعان سايكەس 10,3 ملرد تەڭگەنى قۇرايتىن م ۇلىك پەن 7,9 ملرد تەڭگەنىڭ اقشاسى جاريا ەتىلىپتى. ءوڭىر تۇرعىندارى سونىمەن بىرگە, قازاقستان اۋماعىنان تىسقارى, ياعني, شەت ەلدەردەگى م ۇلىكتەرىن دە جاريا ەتۋگە ۇيعارىم جاساپتى. اتىراۋ وبلىستىق مەملەكەتتىك كىرىستەر دەپارتامەنتى ۇسىنعان ناقتى دەرەككە سۇيەنسەك, وسىعان وراي تۇرعىنداردان 18 ءوتىنىش ءتۇسىپ, 207,4 ملن تەڭگەگە باعالانعان شەتەلدەگى م ۇلىك جاريالاندى. ءبىر تاڭدانارلىعى, وتكەن اپتادا ءبىر ازامات ءوزىنىڭ 2 ميلليارد 700 ميلليون تەڭگەسىن جاريا ەتۋگە ءوتىنىش بەرىپ, قوماقتى قارجىسىن زاڭداستىرىپ الدى. جولداسبەك شوپەعۇل. دەرەك: اتىراۋ وبلىسى بويىنشا مەملەكەتتىك كىرىستەر دەپارتامەنتىنىڭ ءباسپاسوز قىزمەتى. فوتو: tengrinews.kz.