اتىراۋدا پوليتسەي 22 جىلعا سوتتالدى

اتىراۋ. 5 مامىر. اتىراۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى بۇرىنعى پوليتسيا لەيتەنانتى ماناربەك ۋتەۋوۆتى 22 جىلعا باس بوستاندىعىنان ايىرۋعا ۇكىم شىعاردى. بۇل تۋرالى وبلىستىق سوتتىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. «سوت ۇكىمىمەن م.ك.ۋتەۋوۆقا قىلمىستىق كودەكستىڭ 99-بابىنىڭ 2-بولىگىنىڭ 5,8 تارماقتارىمەن, 385-بابىنىڭ 2-بولىگىمەن, 28-بابىنىڭ 3-بولىگى, 191-بابىنىڭ 2-بولىگىنىڭ 1,2,3 تارماقتارىمەن, 191-بابىنىڭ 2-بولىگىنىڭ 2 تارماعىمەن, 361-بابىنىڭ 4-بولىگىمەن, 188-بابىنىڭ 3-بولىگىمەن, 380-بابىنىڭ 1-بولىگىمەن كىنالى دەپ تانىلىپ, وعان 22 (جيىرما ەكى) جىل مەرزىمگە باس بوستاندىعىنان ايىرۋ جازاسى تاعايىندالدى. جازا وتەۋ ورنى قاتاڭ رەجيمدەگى تۇزەتۋ كولونياسى بولىپ بەلگىلەندى», – دەدى اتىراۋ وبلىستىق سوتىنىڭ ءباسپاسوز حاتشىسى بورانباي عاليەۆ. سونىمەن قاتار, وسى ۇكىممەن تاعى ءبىر كۇدىكتى اسان كۋربانباەۆ قىلمىستىق كودەكستىڭ 188-بابىنىڭ 3-بولىگىمەن كىنالى دەپ تانىلىپ, 4 جىل مەرزىمگە تۇزەتۋ كولونياسىنىڭ جالپى رەجيمىندە باس بوستاندىعىنان ايىرۋ جازاسىنا سوتتالعان. جولداسبەك شوپەعۇل. دەرەك: اتىراۋ وبلىستىق سوتىنىڭ ءباسپاسوز قىزمەتى فوتو: azattyq.org.