اتقارىلار كوپ ءىس بار

ول ءۇشىن باستاۋىش ۇيىمداردىڭ بەلسەندىلىگىن كوتەرۋ قاجەت «نۇر وتان» حدپ كوكشەتاۋ قا­لالىق فيليالى پارتيا ۇيىمىنىڭ ءVىى ەسەپ بەرۋ-سايلاۋ كونفەرەن­تسيا­سىنىڭ نەگىزگى تۇجىرىمى باستاۋ­ىش ۇيىمداردىڭ بەلسەندىلىگى مەن جۇمىس تاسىلدەرىن جەتىلدىرۋگە سايا­دى. بۇل – 33 ۇيىمنان سايلانعان 165 دەلەگاتتىڭ ورتاق ويى. – اتقارىلىپ جاتقان جۇمىستار دا از ەمەس, – دەدى كوكشەتاۋ قالا­لىق فيليالىنىڭ توراعاسى, قالا اكىمى مۇناربەك بۇركىتباەۆ. مۇندا جەتەكشى پارتيا مۇشەلەرىنىڭ باستا­ماشىلدىعى, ۇيىستىرۋشى قىزمەتى ۇلگى بولارلىقتاي. قۇرمەتتى­لە­رى­مىز­دىڭ باسىم كوپشىلىگى وسى زالدا وتىر. قالانىڭ الەۋمەتتىك-ەكونوميكا­لىق دامۋىنا تالداۋ جاساعان بايان­دا­ماشى جىل ىشىندە ونەركاسىپ ءون­دىرىسى 32 ميلليارد تەڭگەلىك, ياعني بۇرىن بولماعان دەڭگەيگە جەتكەنىن مالىمدەدى. بۇل 2009 جىلدىڭ كور­سەت­كىشىنەن 8 ميلليارد تەڭگەگە ار­تىق. ينۆەستيتسيالىق تارتىمدى­لى­عى ارتقان قالادا كوپتەگەن ءوندىرىس وشاقتارى اشىلدى. سوڭعى ايلاردا عانا يندۋستريالىق-يننوۆاتسيالىق ۇدە­مەلى دامۋ باعدارلاماسى شەڭ­بە­رىندە كەراميكالىق كىرپىش زاۋىتى, استىق قابىلداۋ جانە ۇن تارتۋ كەشەنى, باسقا دا ماڭىزدى نىساندار پايدالانۋعا بەرىلدى. كوكشەلىك 1127 وتباسى تۇرعىن ۇيمەن قامتا­ما­سىز ەتىلسە, جەلتوقسان ايىندا ەسىگىن اشقان 1200 ورىندىق ءتورت بالاباقشا جۇرتشىلىقتى قۋانىش­قا بولەدى. استانالىق وبلىس ورتا­لىعىندا شاعىن جانە ورتا بيزنەس­تىڭ 17 مىڭنان استام نىسانى يگىلىك توگۋدە. جىل ىشىندە 8 مىڭ جاڭا جۇمىس ورنى قۇرىلۋى جاڭا ءارى سەرپىندى جوسپارلار تۇزۋگە مۇمكىن­دىك بەرەدى. قالالىق ۇيىمنىڭ باستى جيى­نىن­دا «نۇر وتان» حدپ اقمولا وب­لىستىق فيليالىنىڭ توراعاسى, وب­لىس اكىمى سەرگەي دياچەنكو, «نۇر­لى كوش» اۋىلى پارتيالىق باقىلاۋ بەكەتىنىڭ توراعاسى مەيرامبەك قيى­قوۆ, «تىنىس» اق باستاۋىش ۇيىمى­نىڭ جەتەكشىسى ۆلاديمير كۋلياس, قالالىق اۋرۋحانانىڭ باس دارىگەرى سەرىك كاكەنوۆ, «جاس ساياساتكەر» كلۋبىنىڭ مۇشەسى ايگەرىم ۋاشەۆا تولعاقتى پىكىرلەرىمەن ءبولىستى. كونفەرەنتسياعا «نۇر وتان» حدپ ساياسي كەڭەسىنىڭ مۇشەسى يۆان ساۋەر قاتىستى. باقبەرگەن امالبەك, اقمولا وبلىسى.